গুৱাহাটী,২৪ মাৰ্চ :চাকৰি নিয়মীয়াকৰণ আৰু ৩০ মাহৰ বকেয়া আদায় দিয়াকে ধৰি বিভিন্ন দাবীৰ সমৰ্থনত বৃহস্পতিবাৰে কাহিলিপাৰস্থিত সৰ্বশিক্ষা অভিযান মিছনৰ কাৰ্যালয়ৰ সন্মূখত বিক্ষোভ প্ৰদৰ্শন কৰে টেট শিক্ষকে(Teachers Protest in Guwahati) । হাজাৰ হাজাৰ টেট শিক্ষকৰ প্ৰতিবাদত উত্তাল হৈ পৰে কাহিলিপাৰাৰ ৰাজপথ ।
একপ্ৰকাৰ ৰাজ্যৰ বিভিন্ন প্ৰান্তৰ পৰা অহা হাজাৰ হাজাৰ টেট শিক্ষকৰ প্ৰতিবাদত কঁপিল গুৱাহাটী মহানগৰী(TET teachers protest at Kahilipara) ।গুৱাহাটীৰ কাহিলীপাৰাস্থিত সৰ্বশিক্ষা অভিযান সঞ্চালকৰ কাৰ্যালয়ৰ সন্মুখত হাজাৰ-হাজাৰ টেট শিক্ষকে নিজৰ প্ৰাপ্যৰ দাবীত ব্যাপক ৰূপত প্ৰতিবাদ সাব্যস্ত কৰে ।
হাজাৰ হাজাৰ শিক্ষকৰ প্ৰতিবাদত কঁপিল গুৱাহাটীৰ কাহিলিপাৰা উল্লেখ যে, প্ৰতিবাদত অংশ ল’বলৈ গুৱাহাটীলৈ আহি থকা বহু হাজাৰ শিক্ষকক আধাবাটতে আৰক্ষীয়ে আটক কৰে । বৃহস্পতিবাৰে ৪০ হাজাৰ টেট শিক্ষকে সৰ্বশিক্ষা মিছন সঞ্চালকৰ কাৰ্যালয় ঘেৰাও কৰাৰ কাৰ্যসূচী গ্ৰহণ কৰিছিল । তাৰেই অংশ স্বৰূপে আৰক্ষীৰ বাধা স্বত্বেও হাজাৰ হাজাৰ শিক্ষক সমবেত হয় কাহিলিপাৰাত ।
শিক্ষকৰ এই প্ৰতিবাদ নিয়ন্ত্ৰণ কৰিবলৈ তথা কোনোধৰণৰ অপ্ৰীতিকৰ পৰিস্থিতিৰ যাতে সৃষ্টি নহয় তাৰ প্ৰতি লক্ষ্য ৰাখি কাহিলীপাৰৰ লগতে গুৱাহাটীৰ বিভিন্ন স্থানত মোতায়েন কৰা হৈছে নিৰাপত্তাৰক্ষী । চৰকাৰৰ সৈতে কৰা আলোচনা ব্যৰ্থ হোৱা বাবেই টেট শিক্ষকসকলে তেওঁলোকৰ সমস্যা সমাধানৰ দাবীত বৃহস্পতিবাৰে এই গুৰু-গৰ্জন কাৰ্যসূচী কৰাৰ সিদ্ধান্ত লয় ।
উল্লেখ্য যে এই শিক্ষকসকলৰ মূল দাবী হৈছে তেওঁলোকৰ চাকৰি নিয়মীয়াকৰণ কৰা । লক্ষণীয়ভাৱে হিমন্ত বিশ্ব শৰ্মা নেতৃত্বাধীন চৰকাৰৰ দিনত এইটোৱে সৰ্ববৃহৎ চৰকাৰ বিৰোধী প্ৰতিবাদী কাৰ্যসূচী বুলি অভিহিত কৰা হৈছে । শিক্ষকৰ প্ৰতিবাদত কাহিলিপাৰাৰ পথ প্ৰায় সম্পূৰ্ণৰূপে বন্ধ হৈ পৰাত যাতায়তৰ ক্ষেত্ৰত যথেষ্ট অসুবিধাৰ সৃষ্টি হয় । লগতে অভাৱনীয় যানজঁটৰো সৃষ্টি হয় ।
লগতে পঢ়ক :চাকৰি নিয়মীয়াকৰণৰ দাবীত কাহিলীপাৰাত শিক্ষকৰ প্ৰতিবাদ
