গুৱাহাটী, ৫ ছেপ্তেম্বৰ : শিক্ষক দিৱসৰ দিনটোতে টকিঅ' অলিম্পিকত পদক লাভ কৰা লাভলীনা বৰগোঁহাইক ৰাজ্যৰ সমগ্ৰ শিক্ষা বিভাগ তথা শিক্ষা অভিযানৰ ব্ৰেণ্ড এম্বেচাদৰ হিচাপে নিযুক্তি দিয়াৰ কথা ঘোষণা কৰে শিক্ষামন্ত্ৰী ডাঃ ৰণোজ পেগুৱে । অসম চৰকাৰৰ শিক্ষা বিভাগৰ সৌজন্যত দেওবাৰে শ্ৰীমন্ত শংকৰদেৱ কলাক্ষেত্ৰত কেন্দ্ৰীয়ভাৱে অনুষ্ঠিত কৰা শিক্ষক দিৱসৰ অনুষ্ঠানত অংশ গ্ৰহণ কৰি শিক্ষামন্ত্ৰী গৰাকীয়ে এই ঘোষণা কৰে ।
৯ ছেপ্টেম্বৰৰ পৰা ২৩ হাজাৰ শিক্ষক নিযুক্তিৰ বাবে প্ৰকাশ পাব বিজ্ঞাপন ছোৱালীক শিক্ষাৰ ক্ষেত্ৰত আগুৱাই নিয়াৰ বাবে শিক্ষা বিভাগে এই সিদ্ধান্ত গ্ৰহণ কৰিছে উল্লেখ কৰি শিক্ষামন্ত্ৰী গৰাকীয়ে প্ৰতিটো শিক্ষানুষ্ঠানত প্ৰাক্তন ছাত্ৰ-ছাত্ৰীৰ সন্থা কৰাৰ পোষকতা কৰে । আনহাতে শিক্ষামন্ত্ৰী ৰণোজ পেগুৱে ৯ ছেপ্টেম্বৰৰ পৰা ২৩ হাজাৰ শিক্ষক নিযুক্তিৰ বাবে বিজ্ঞাপন প্ৰকাশ পাব বুলি সদৰি কৰে । এইবাৰ বাজেটত প্ৰায় ২০ হাজাৰ কোটি টকা শিক্ষা বিভাগৰ উন্নয়নৰ বাবে আৱণ্টন দিয়াৰ কথা তেওঁ জানিবলৈ দিয়ে ।
৯ ছেপ্টেম্বৰৰ পৰা ২৩ হাজাৰ শিক্ষক নিযুক্তিৰ বাবে প্ৰকাশ পাব বিজ্ঞাপন শিক্ষক নিযুক্তি, আন্তঃ গাঁঠনি উন্নয়ন আৰু মান বিশিষ্ট শিক্ষাৰ জৰিয়তে দেশৰ ভিতৰতে ৰাজ্যৰ শিক্ষা ব্যৱস্থাক অধিক গতিশীল কৰি তোলাৰ লক্ষ্য ৰাজ্য চৰকাৰে নিৰ্ধাৰণ কৰিছে বুলি জনাই শিক্ষামন্ত্ৰী গৰাকীয়ে । ৰাজ্যৰ শিক্ষা বিভাগত বহু পদ খালী হৈ থকাৰ কথা উল্লেখ কৰে মন্ত্ৰীগৰাকীয়ে ।
খালী পদ পূৰণৰ বাবে বহু প্ৰতিবন্ধকতাও আছে বুলি উল্লেখ কৰি মন্ত্ৰীগৰাকীয়ে কয় যে, এই প্ৰতিবন্ধকতা সমূহ দূৰ কৰি এটা এটা শিক্ষকৰ পদ পূৰ্ণ কৰা হ’ব । তেওঁ লগতে কয় যে, আন্তঃগাঁঠনিৰ যি সমস্যা আছে, সেই সমস্যা দূৰ কৰিবৰ বাবে ৰিজাৰ্ভ বেংকৰ গাইড লাইন অনুসৰি নাবাৰ্ডৰ পৰা ঋণ লোৱা হৈছে ।
লগতে পঢ়কঃ কিয় আৰক্ষীয়ে দুটা গুলী মাৰিছিল বিশাল চৌধুৰীলৈ; ডিচিপিৰ বৰ্ণনা
ভাষণ প্ৰসংগত তেওঁ কয় যে, যিসমূহ বিদ্যালয়ে মহান মনিষীৰ সৃষ্টি কৰাৰ লগতে ৭৫ বছৰ অতিক্ৰম কৰিলে তেনে ২০৯ খন বিদ্যালয়লৈ আন্তঃ গাঁঠনি উন্নয়নৰ বাবে ৩ কোটিকৈ ধন আগবঢ়াব শিক্ষা বিভাগে । এইবাৰৰ শিক্ষক দিৱসত ৩৬ গৰাকী শিক্ষকলৈ ৰাজ্যিক বঁটা আগবঢ়োৱা হৈছে ।
৯ ছেপ্টেম্বৰৰ পৰা ২৩ হাজাৰ শিক্ষক নিযুক্তিৰ বাবে প্ৰকাশ পাব বিজ্ঞাপন আজিৰ অনুষ্ঠানত আনুষ্ঠানিকভাৱে চাৰি গৰাকী শিক্ষকক বঁটা আগবঢ়োৱা হয়। অনুষ্ঠানত মনোনীত কৃতি শিক্ষাগুৰুসকললৈ ৰাজ্যিক বঁটা প্ৰদানৰ লগতে আনন্দৰাম বৰুৱা ভাষা কলা-সংস্কৃতি সংস্থাৰ সৌজন্যত প্ৰয়াত শিক্ষাবিদ, সাহিত্যিক, অধ্যাপক টাবুৰাম টাইডলৈ ইতিপূৰ্বে ঘোষিত ২০১৮ চনৰ আনন্দৰাম বৰুৱা বঁটা প্ৰদান কৰা হয় ।
বঁটা গ্ৰহণ কৰে টাবু ৰাম টাইডৰ সহধৰ্মিণী বাসন্তী টাইডে । আনন্দৰাম বৰুৱা বঁটাত আছে ১ লাখ টকা আৰু সংস্কৃত ভাষাত লিখা এখন মানপত্ৰ । অনুষ্ঠানত দুখন স্মৰণিকা 'শিক্ষাজ্যোতি' আৰু 'কামৰূপায়ন' উন্মোচন কৰা হয় । অনুষ্ঠানত স্বাস্থ্য মন্ত্ৰী কেশৱ মহন্ত, শিক্ষা বিভাগৰ উপদেষ্টা ড৹ ননীগোপাল মহন্তৰ উপৰি ভালেসংখ্যক বিশিষ্ট ব্যক্তি আৰু শিক্ষাগুৰু উপস্থিত আছিল ।
উল্লেখযোগ্য যে, আজি শিক্ষক দিৱসৰ অনুষ্ঠানতে ক্ষোভিত হৈ পৰে একাংশ শিক্ষক । বঁটা প্ৰদান কৰা অনুষ্ঠানটোত বঁটা লাভ কৰা শিক্ষক সকলক মঞ্চত শিক্ষা মন্ত্ৰীয়ে বঁটা প্ৰদান নকৰা বিষয়ক লৈয়ে ক্ষোভিত হৈ পৰে শিক্ষকসকল । যাৰ বাবে আনকি ক্ষমা খুজিব লগা হয় শিক্ষা বিভাগৰ উপদেষ্টাগৰাকীয়ে ।
অৱশ্যে পিছত ক্ষুব্ধ শিক্ষকসকলক মঞ্চত বঁটা প্ৰদান কৰা হয় । অনুষ্ঠানৰ শেষত এই অবাঞ্চিত পৰিস্থিতিৰ সৃষ্টি হয় । ৰাষ্ট্ৰীয় সংগীত পৰিৱেশনৰ পিছতে সমাপ্ত হৈছিল শিক্ষক দিৱসৰ কাৰ্যসূচী । কিন্তু তাৰ পিছতো কৃতি শিক্ষকক বঁটা প্ৰদান নকৰাক লৈ ক্ষোভিত হৈ পৰিছিল শিক্ষকসকল । পাছত শিক্ষকসকলক বঁটা প্ৰদান কৰা হয় ।
লগতে পঢ়কঃ বিলাসী জাহাজ প্ৰদানৰ নামত মাজুলীবাসীক প্ৰৱঞ্চনা চৰকাৰৰ
