এতিয়াও গ্ৰেপ্তাৰ হোৱা নাই সোনা উল্লাহৰ বিৰুদ্ধে ক্ষড়যন্ত্ৰ ৰচা লোক : তৰুণ গগৈ

সোনা উল্লাহ প্ৰসংগত ৰাজ্য চৰকাৰৰ নীৰৱ ভূমিকাক তীব্ৰ সমালোচনা প্ৰাক্তন মুখ্যমন্ত্ৰী তৰুণ গগৈৰ। এগৰাকী সেনা বিষয়াক বিদেশী বুলি ঘোষণা কৰি ডিটেনচন কেম্পত ৰখা কাৰ্যক দুৰ্ভাগ্যজনক আখ্যা প্ৰাক্তন মুখ্যমন্ত্ৰীগৰাকীৰ৷

গুৱাহাটী, 8 জুন : অৱশেষত মুক্ত আকাশৰ তললৈ ওলাই আহিল গোৱালপাৰা ডিটেনচন কেম্পত বিদেশী সাজি বন্দী কৰি ৰখা প্ৰাক্তন সেনা বিষয়া সোনা উল্লাহ৷ প্ৰাক্তন সেনা বিষয়াগৰাকীৰ মুক্তিৰ পাচতেই এই প্ৰসংগত ৰাজ্য চৰকাৰক আক্ৰমণ কৰে প্ৰাক্তন মুখ্যমন্ত্ৰী তৰুণ গগৈয়ে৷

সেনা বিষয়াজনক ডিটেনচন কেম্পত ৰখা কাৰ্যৰ গৰিহণা প্ৰদান কৰি শনিবাৰে এক সংবাদ মেলযোগে ৰাজ্য চৰকাৰক সমালোচনা কৰে তৰুণ গগৈয়ে৷ সোনা উল্লাহৰ মুক্তিৰ বাবে কৰণীয় কাৰ্যত ৰাজ্য চৰকাৰ ব্যৰ্থ হোৱা বুলিও সংবাদমেলত উল্লেখ কৰে গগৈয়ে ৷ প্ৰাক্তন সেনা বিষয়াজনৰ বিৰুদ্ধে ষড়যন্ত্ৰ ৰচা লোকক চৰকাৰে গ্ৰেপ্তাৰ নকৰা বাবে ক্ষোভ উজাৰে প্ৰাক্তন মুখ্যমন্ত্ৰীগৰাকীয়ে৷