গুৱাহাটী, 22 নৱেম্বৰ:কেন্দ্ৰীয় গৃহমন্ত্ৰী অমিত শ্বাহে সমগ্ৰ দেশতে এন আৰ চি প্ৰৱৰ্তন কৰাৰ ঘোষণা কৰাক লৈ শুকুৰবাৰে সংবাদমেল আয়োজন কৰি প্ৰাক্তন মুখ্যমন্ত্ৰী তৰুণ গগৈৰ প্ৰতিক্ৰিয়া ৷ বিজেপিক তীব্ৰ আক্ৰমণ কৰি গগৈয়ে কয়,বিজেপিয়ে নিজৰ ব্যৰ্থতা ঢাকিবলৈ বিভিন্ন সময়ত কিছুমান হঠকাৰী সিদ্ধান্ত গ্ৰহণ কৰা বিজেপিৰ এইটো কৌশল ৷ 2014 চনৰ লোকসভা নিৰ্বাচনত দেশবাসীক প্ৰদান কৰা প্ৰতিশ্ৰুতি বিজেপিয়ে এতিয়া পাহৰিলে। প্ৰতিবছৰে দুই কোটি চাকৰি দিয়াৰ কথা কোৱা বিজেপিৰ শাসনকালত প্ৰতিদিনে লাখ-লাখ লোকে হেৰুৱাইছে চাকৰি,দেশৰ অৰ্থনীতি বিধস্ত হৈছে।
কেব আৰু এন আৰ চিক লৈ বিজেপিক আক্ৰমণ প্ৰাক্তন মুখ্যমন্ত্ৰী তৰুণ গগৈৰ অসমত প্ৰথমে এন আৰ চি প্ৰকাশ পোৱাত বিজেপিয়ে দম্ভালি মাৰি কৈছিল কংগ্ৰেছে কৰিব নোৱাৰা কাম আমি কৰিলো। এন আৰ চিৰ দ্বিতীয় খচৰা প্ৰকাশ পোৱাৰ পিছত 40 লাখ মানুহৰ নাম বাদ পৰাত অমিত শ্বাহে কৈছিল 40 লাখ মানুহ বিদেশী ৷ এতিয়া এন আৰ চিৰ পূৰ্ণাংগ তালিকাৰ পৰা বাদ পৰা 19 লাখ লোকৰ ভিতৰত অধিক সংখ্যক হিন্দু বাঙালী আৰু এই সকল ভাৰতীয় লোক ।
এন আৰ চিক লৈ আগতে গৌৰৱ কৰিছিল অমিত শ্বাহে কটাক্ষ গগৈৰ এন আৰ চিৰ উদ্দেশ্য আছিল বিদেশী চিনাক্ত কৰা,এতিয়া মুখ্যমন্ত্ৰী সৰ্বানন্দ সোণোৱাল আৰু হিমন্ত বিশ্ব শৰ্মাই স্বদেশীকে বিদেশী সাজিছে। অমিত শ্বাহে সমগ্ৰ ভাৰততে পুনৰ এন আৰ চি কৰাৰ কথা কৈ আছে। অমিত শ্বাহই যদি অসমৰ এন আৰ চি নাকচ কৰিলে,কাৰণ জনাব লাগিব বুলি অমিত শ্বাহক তীব্ৰ সমালোচনা কৰে প্ৰাক্তন মুখ্যমন্ত্ৰী গৰাকীয়ে ।
