গুৱাহাটীত টি চিৰিজৰ কৰ্মশালাত বলীউডৰ অভিনেতা সায়াজী শিন্দে

টি-চিৰিজ ষ্টেজৱৰ্কছে গুৱাহাটীত আয়োজন কৰিছে এক বৃহৎ কৰাম কৰ্মশালা । কৰ্মশালাত প্ৰশিক্ষণ প্ৰদান কৰিব প্ৰখ্যাত বলীউড আৰু দক্ষিণ ভাৰতীয় চিনেমাৰ অভিনেতা সায়াজী শিন্দেই । বিশিষ্ট কন্ঠশিল্পী সঞ্জয় বিদ্যাৰ্থীয়ে শিক্ষাৰ্থীসকলক সংগীতৰ বিভিন্ন কৌশলৰ প্ৰশিক্ষণ প্ৰদান কৰিব ।

গুৱাহাটী , ৩ ফেব্ৰুৱাৰী: টি-চিৰিজ ষ্টেজৱৰ্কছ গুৱাহাটী অনা সংগীত আৰু প্ৰদৰ্শন কলাই অঞ্চলটোৰ প্ৰতিভাশালী শিক্ষাৰ্থীসকলক প্ৰশিক্ষণৰ উদ্দেশ্যৰে চহৰখনত প্ৰদৰ্শন কলাৰ ওপৰত আটাইতকৈ ডাঙৰ কৰ্মশালা অনুষ্ঠিত কৰে । টি-চিৰিজ ষ্টেজৱৰ্কছ, গুৱাহাটীয়ে অভিনয়, সংগীত, মডেলিং, ফটোগ্ৰাফী, চাউণ্ড ইঞ্জিনিয়াৰিং আদি বিভিন্ন ক্ষেত্ৰত শিক্ষাৰ্থীসকলক সজ্জিত কৰাৰ বাবে এই কৰ্মশালাৰ ব্যৱস্থা কৰিছে । কৰ্মশালাখন ৩০ জানুৱাৰীৰ আৰম্ভ হৈছিল আৰু ১৪ ফেব্ৰুৱাৰীলৈ চলিব।

প্ৰখ্যাত বলিউড আৰু দক্ষিণ ভাৰতীয় চিনেমাৰ অভিনেতা সায়াজী শিন্দেই অভিনয়ৰ কৰ্মশালাখনি পৰিচালনা কৰিব । তেওঁ শিক্ষাৰ্থীসকলক অভিনয়ৰ বাবে কঠোৰ পৰিশ্ৰম, নিষ্ঠা আৰু জ্ঞানৰ গোটৰ বিষয়ে এক অন্তৰ্দৃষ্টি প্ৰদান কৰিব। ইফালে বিশিষ্ট কন্ঠশিল্পী সঞ্জয় বিদ্যাৰ্থীয়ে শিক্ষাৰ্থীসকলক কণ্ঠ প্ৰশিক্ষণৰ বিভিন্ন কৌশলৰ নিৰ্দেশনা দিব। উল্লেখ যে বিদ্য়াৰ্থী চা-ৰে-গা-মা-পা, ভইচ অফ ইণ্ডিয়া, ৰাইজিং ষ্টাৰ আদিৰ দৰে সংগীতৰ ৰিয়েলিটি টিভি অনুষ্ঠানৰ বাবে সংগীত পৰিচালনা কৰাৰ উপৰিও ভাৰত আৰু বিদেশত অনুষ্ঠান পৰিবেশন কৰি আহিছে ।

কৰ্মশালাটোৰ বিষয়ে সংবাদমেল সম্বোধন কৰি ড্ৰিম হাউচ প্ৰডাকচন আৰু টি-চিৰিজ ষ্টেজৱৰ্কৰ পৰিচালক নীতা শৰ্মাই কয় যে কৰ্মশালাৰ চূড়ান্ত লক্ষ্য হৈছে ছবি আৰু মনোৰঞ্জন উদ্যোগৰ প্ৰতিটো ক্ষেত্ৰত শিক্ষাৰ্থীসকলক উৎসাহিত আৰু উচিত প্ৰশিক্ষণ প্ৰদান কৰা । উল্লেখ যে এই সংবাদমেলত অভিনেতা সায়াজী শিন্দে আৰু কণ্ঠশিল্পী সঞ্জয় বিদ্য়াৰ্থীও উপস্থিত থাকে ।

লগতে পঢ়ক:স্থলসেনাই বিতৰণ কৰিলে কিতাপ-বহীৰ লগতে বিদ্যায়তনিক সামগ্ৰী