গুৱাহাটী, আগষ্ট 08 : কাশ্মীৰৰ পৰা অনুচ্ছেদ 370 প্ৰত্যাহাৰ কৰি কেন্দ্ৰই বিশেষ ৰাজ্যৰ মৰ্যাদা কৰ্তন কৰাৰ পিচত এতিয়া প্ৰশ্ন উঠিছে কেন্দ্ৰীয় চৰকাৰ আৰু এন এছ চি এনৰ মাজৰ নগা চুক্তিক লৈ ৷ 2015 চনৰ 3 আগষ্টত প্ৰধানমন্ত্ৰী নৰেন্দ্ৰ মোদীৰ উপস্থিতিত নতুন দিল্লীত কেন্দ্ৰীয় গৃহ মন্ত্ৰণালয় আৰু এন এছ চি এন নেতৃবৃন্দৰ মাজত স্বাক্ষৰিত হৈছিল নগা ফ্ৰেমৱৰ্ক ৷ এই চুক্তিৰ মূল উদ্দেশ্য আছিল গ্ৰেটাৰ নাগালিম গঠন ৷ সেই ফ্ৰেমৱৰ্কত স্পষ্ট ভাবে উল্লেখ কৰা হৈছিল নগা জাতিক সৰ্বোচ্চ সাংবিধানিক অধিকাৰ অৰ্পণ কৰাৰ কথা । কিন্তু কাশ্মীৰৰ পৰা 370 বাতিলৰ পিচত বিজেপি নেতৃত্বই " এক ভাৰত " ৰ ধ্বনি দিবলৈ আৰম্ভ কৰিছে ৷ যদি সেয়াই হয় তেন্তে নগা ফ্ৰেমৱৰ্কৰ দফাবোৰ কি হব সেয়াহে এতিয়া গুৰুত্বপূৰ্ণ প্ৰশ্ন ।
অনুচ্ছেদ 370 য়ে প্ৰভাৱ পেলাব নেকি নগা চুক্তিত