গুৱাহাটী, ৮ ডিচেম্বৰঃ এইবাৰ " শ্বহীদ দিৱস " পালন নকৰে শ্বহীদ পৰিয়ালে । এই গুৰুত্বপূৰ্ণ সিদ্ধান্ত লৈছে সদৌ অসম শ্বহীদ পৰিয়াল সমন্বয়ৰক্ষী পৰিষদে । ৯ আৰু ১০ ডিচেম্বৰত পৰিষদে কেন্দ্ৰীয়ভাবে গহপুৰত আয়োজন কৰিছিল শ্বহীদ দিৱসৰ কাৰ্যসূচী ।
কিন্তু শ্বহীদ দিৱসৰ দিনটোতে ৮৫৫ গৰাকী শ্বহীদৰ আত্মাক কষ্ট দি কেন্দ্ৰীয় চৰকাৰে নাগৰিকত্ব সংশোধনী বিধেয়ক গৃহীত কৰিবলৈ সিদ্ধান্ত লোৱাৰ প্ৰতিবাদত পৰিষদে এই কাৰ্যসূচী বাতিলৰ সিদ্ধান্ত লয় । গুৱাহাটীত জৰুৰীভাবে অনুষ্ঠিত পৰিষদৰ এখন গুৰুত্বপূৰ্ণ বৈঠকত গ্ৰহণ কৰা হয় 'শ্বহীদ দিৱস' বাতিলৰ সিদ্ধান্ত । ইয়াৰ বিপৰীতে ১০ ডিচেম্বৰৰ অসম বন্ধৰ প্ৰতি পৰিষদে পূৰ্ণ সমৰ্থন আগবঢ়াব ।
