গুৱাহাটী, ৫ ডিচেম্বৰ : ৰক্ষক হৈ ভক্ষকৰ ভূমিকা পালন কৰা অসম আৰক্ষীৰ নিলম্বিত উপ-মহাপৰিদৰ্শক (ডি আই জি) ৰৌণক আলী হাজৰিকাই সম্পত্তিৰ পাহাৰ গঢ়াতে সীমাবদ্ধ থকা নাছিল । তেওঁ কুখ্যাত সন্ত্রাসবাদী সংগঠন আইছিছৰে সম্পৰ্ক ৰাখিছিল(Raunak Ali Hazarika relation with ISIS) । শেহতীয়াকৈ মুখ্যমন্ত্রীৰ বিশেষ তদাৰকী কোষে(CM's Special Vigilance Cell against Raunak Ali Hazarika) দাখিল কৰা অভিযোগনামাত এই সন্দেহ প্ৰকাশ কৰা হৈছে ।
উল্লেখ্য যে, আৰক্ষীয়ে দাখিল কৰা অভিযোগনামাৰ পৃষ্ঠাই পৃষ্ঠাই ৰৌণক আলী হাজৰিকাৰ বিৰুদ্ধে দাঙি ধৰা হৈছে (Chargesheet against Rounak Ali Hazarika) ৷ ভয়ংকৰ তথ্য তথ্য অনুসৰি, প্রতিবাৰ বিদেশ ভ্রমণতেই নিলম্বিত ডি আই জি ৰৌণক আলী হাজৰিকাই মৌলবাদী সংগঠন তথা সন্ত্রাসবাদী সংগঠনৰে(Raunak Ali Hazarika relation with terrorist ) সম্পর্ক ৰক্ষাৰ চেষ্টা চলাইছিল ।
অভিযোগনামাত উল্লেখ কৰা অনুসৰি ২০১১ চনৰ পৰা ২০২০ চনলৈ মুঠ ১১ বাৰ বিদেশ ভ্রমণ কৰা ৰৌণক আলী হাজৰিকাই এবাৰহে বিদেশ ভ্রমণৰ বাবে অনুমতি লৈছিল । চৰকাৰৰ বিনা অনুমতিত তেওঁ ১০ বাৰকৈ বিদেশ ভ্রমণ কৰিছিল আৰু প্ৰত্যেকবাৰেই কেইবাখনো ইছলামিক ৰাষ্ট্র ভ্ৰমণ কৰিছিল ।
তথ্য অনুসৰি, আৰক্ষীৰ নিলম্বিত শীৰ্ষ বিষয়াজনে বিগত ১০ বছৰত ইণ্ডোনেছিয়া, মালদ্বীপ, ডুবাই, বাংলাদেশকে ধৰি আন কেইবাখনো ৰাষ্ট্র ভ্রমণ কৰিছিল । ২০১১ চনত এবাৰ, ২০১২ চনত দুবাৰ, ২০১৩ চনত তিনিবাৰ আৰু ২০১৫ চনৰ পৰা ২০২০ চনলৈ এবাৰকৈ বিদেশ ভ্রমণ কৰিছিল ।
অত্যন্ত আশ্চৰ্যৰ বিষয় যে এই বিদেশ ভ্রমণত ৰৌণক আলী হাজৰিকাই নিজৰ ফালৰ পৰা এক টকাও ব্যয় কৰা নাছিল । তেনেস্থলত তেওঁ বিদেশ ভ্ৰমণৰ বাবে অৰ্থ কাৰ পৰা পাইছিল । এইটো এটা ডাঙৰ প্ৰশ্ন, লক্ষণীয় বিষয় যে আৰক্ষীৰ বাৰম্বাৰ জেৰাৰ পাছতো এই সন্দর্ভত মুখ খোলা নাই অভিযুক্ত আৰক্ষী বিষয়াজনে ।
২৭ নৱেম্বৰত বিশেষ আদালতত মুখ্যমন্ত্রীৰ বিশেষ তদাৰকী কোষে দাখিল কৰা অভিযোগনামাত উল্লেখ কৰা তথ্য অনুসৰি ২০১৮ চনত ইণ্ডোনেছিয়া ভ্রমণ কৰিছিল ৰৌণক আলী হাজৰিকাই। ইণ্ডোনেছিয়াত ১২ দিন কটোৱা ৰৌণক আলী হাজৰিকাই ফিলিপাইনৰ ৰাজধানী মানিলাৰে যাতায়াতৰ সুবিধা থকা ঠাইত আছিল । অভিযোগনামাত দিয়া তথ্য অনুসৰি উক্ত অঞ্চলৰ পৰাই অভিযুক্ত আৰক্ষী বিষয়াজনে সঘনে গৈছিল মানিলালৈ ।