গুৱাহাটী,12 মে’:এগৰাকী ব্যৱসায়ীক ফোনযোগে ৫০ লাখ টকা দাবী কৰি গুৱাহাটী ক্ৰাইম ব্ৰাঞ্চৰ জালত পৰিছে এজন সন্দেহজনক আলফা কেডাৰ । পাঞ্জাবাৰীৰ ভিআইপি ৰোডৰ নামঘৰ পথৰ সমীপৰ পৰা গ্ৰেপ্তাৰ কৰা হৈছে সন্দেহজনক আলফা কেডাৰজনক ৷ গ্ৰেপ্তাৰ হোৱা সন্দেহজনক কেডাৰজন কংকনজ্যোতি ভূঞা বুলি জানিব পৰা গৈছে ।
গুৱাহাটীত সন্দেহজনক আলফা কেডাৰ গ্ৰেপ্তাৰ
১২ এপ্ৰিলত আঠগাঁৱৰ আগৰৱালা নামৰ এজন ব্যৱসায়ীক আলফা(স্বা) ৰ নামত ৫০ লাখ টকা ফোনযোগে দাবী কৰিছিল ধৃত কংকনজ্যোতিয়ে ৷ পিছত সেই ফোনকলৰ ভিত্তিত তদন্ত কৰোতেই গুৱাহাটী ক্ৰাইম ব্ৰাঞ্চৰ জালত পৰে কংকনজ্যোতি ভূঞা । ক্ৰাইম ব্ৰাঞ্চৰ উপ আৰক্ষী আয়ুক্ত বৰুণ পুৰকায়স্থৰ নেতৃত্বত এটা বৃহৎ দলে অভিযান চলাই গ্ৰেপ্তাৰ কৰে কংকনজ্যোতিক ।