গুৱাহাটী, 3 নৱেম্বৰ :অসম আৰক্ষীৰ সফল অভিযান ৷ অসম আৰক্ষীৰ তৎপৰতাত হেৰুওৱা ধন ঘূৰাই পালে ড৹ অংকুৰ হাজৰিকা নামৰ এজন লোকে ৷ উল্লেখ্য যে, অংকুৰ হাজৰিকাৰ SBI একাউণ্টৰ পৰা হৰলুকি হৈছিল ৩৫ লাখ টকা ৷ এই বিষয়ে হাজৰিকাই পাণবজাৰ আৰক্ষী থানাত ৰুজু কৰিছিল এক গোচৰ ৷ তদুপৰি এই সন্দৰ্ভত তেওঁ CID ৰ হেল্পলাইন নম্বৰ ১৫৫২৬০ ৰ জৰিয়তেও দাখিল কৰিছিল অভিযোগ ৷
ইয়াৰ পিছতে আৰক্ষীয়ে অভিযোগটোৰ ক্ষেত্ৰত তৎপৰতা প্ৰদৰ্শন কৰি তদন্ত আৰম্ভ কৰে ৷ আৰক্ষীৰ তৎপৰতাত ২৪ ঘণ্টাৰ পিছতে ভুক্তভোগী ড৹ হাজৰিকাই বেংক একাউণ্টত লাভ কৰে সমুদায় ধন ৷ উল্লেখ্য যে, বেংক একাউণ্টৰ পৰা ধন হৰলুকি হোৱাৰ অভিযোগ দাখিল কৰিবলৈ আৰক্ষীয়ে পূৰ্বে মুকলি কৰিছিল চিআইডিৰ এটা হেল্পলাইন নম্বৰ ৷