গুৱাহাটী,২৪ মাৰ্চ: মেট্ৰিকৰ বিজ্ঞান, অসমীয়া বিষয়ৰ প্ৰশ্নকাকত ফাদিলৰ পাছতে অধিক কঠোৰ হৈ পৰিছে অসম মাধ্যমিক শিক্ষা পৰিষদৰ কৰ্তৃপক্ষ চমুকৈ SEBA । বিদ্যালয়সমূহৰ পৰিদৰ্শকলৈ কঠোৰ নিৰ্দেশ অসম মাধ্যমিক শিক্ষা পৰিষদৰ সচিব নৰনাৰায়ণ নাথৰ(SEBA issues strict guidelines) । সচিবগৰাকীয়ে নিৰ্দেশনাখনত উল্লেখ কৰা অনুসৰি কেইবাটাও দিশত কঠোৰ হৈছে SEBA ।
নিৰ্দেশনা পত্ৰখনত উল্লেখ কৰা হৈছে যে এতিয়াৰে পৰা প্ৰশ্নকাকতৰ টোপোলা গ্ৰহণ কৰিব প্ৰতিখন থানাৰ ভাৰপ্ৰাপ্ত বিষয়াই(Strict SEBA over question paper leak) । কেন্দ্ৰৰ তত্বাবধায়কে ষ্ট্ৰং ৰূমত চি চি টি ভি কেমেৰাৰ আগত খুলিব লাগিব প্ৰশ্নকাকতৰ টোপোলা । তাৰ পাছত আৰক্ষীৰ কটকটীয়া নিৰাপত্তা বেষ্টনীৰ মাজেৰে পৰীক্ষা কেন্দ্ৰলৈ আনিব লাগিব প্ৰশ্নকাকতৰ টোপোলা । আনহাতে ছেবাই নিয়োজিত কৰা বিষয়াই উভতি আহোতে লৈ আহিব অব্যৱহৃত নথি-পত্ৰ(HSLC exam paper leak) ।
SEBA সচিব নৰনাৰায়ণ নাথৰ কঠোৰ নিৰ্দেশনাৱলী উল্লেখ্য যে চলিত হাইস্কুল শিক্ষান্ত পৰীক্ষাৰ ১৩ মাৰ্চৰ সাধাৰণ বিজ্ঞান আৰু ১৮ মাৰ্চৰ অসমীয়া বিষয়ৰ প্ৰশ্নকাকত ফাদিলৰ প্ৰসংগত ৰাজ্যজুৰি দল-সংগঠনৰ অব্যাহত আছে বিভিন্নজনৰ প্ৰতিক্ৰিয়া । শিক্ষাৰ্থীৰ শৈক্ষিক জীৱনক লৈ হেতালি নেখেলিবলৈ সকীয়নি প্ৰদান কৰি ৰাজ্যৰ প্ৰান্তে প্ৰান্তে সাব্যস্ত কৰে তীব্ৰ প্ৰতিবাদ । কেৱল প্ৰতিবাদতে ক্ষান্ত নাথাকি ৰাজ্যিক শিক্ষা বৰ্ড তথা ছেবাৰ সংস্কাৰৰ বাবে বিভিন্ন পৰামৰ্শ গ্ৰহণ কৰিবলৈ ৰাজ্যৰ শিক্ষাবিদসকলৰ সৈতে বৈঠকতো মিলিত হৈছিল সদৌ অসম ছাত্ৰ সন্থা ৷
আনহাতে দুয়োটা পৰীক্ষা ছেবাই বাতিল কৰাৰ পাছত অহা ৩০ মাৰ্চত সাধাৰণ বিজ্ঞান আৰু ১ এপ্ৰিলত অসমীয়া বিষয়ৰ পৰীক্ষা অনুষ্ঠিত হ'ব বুলি প্ৰকাশ কৰিছিল । আগন্তুক পৰীক্ষাসমূহ অনুষ্ঠিত কৰাত যাতে কোনো ত্ৰুটি নহয় তাৰ বাবে সষ্টম হৈ পৰিছে অসম মাধ্যমিক শিক্ষা পৰিষদ(Assam SEBA paper leak) । সেয়ে এই দুয়োটা বিষয়ৰ পৰীক্ষা সুকলমে অনুষ্ঠিত কৰিবলৈ অসম মাধ্যমিক শিক্ষা পৰিষদে(SEBA) অধিক কঠোৰ স্থিতি গ্ৰহণ কৰিছে । ছেবাৰ সচিব নৰনাৰায়ণ নাথে বিদ্যালয়সমূহৰ পৰিদৰ্শকলৈ এই সন্দৰ্ভত নিৰ্দেশনাৱলী প্ৰেৰণ কৰিছে ।
লগতে পঢ়ক:Drive against illicit liquor: আমগুৰিৰ বিভিন্ন স্থানত চুলাই ঘাটীৰ বিৰুদ্ধে আবকাৰী বিভাগৰ অভিযান
