কামাখ্যাৰ পথত ভৰি পৰিছে দোকানঃ নিৰ্বিকাৰ প্ৰশাসন

প্ৰশাসনৰ নিষেধাজ্ঞাক অৱমাননা কৰি কামাখ্যালৈ যোৱা মূল পথত এতিয়াও আছে বহুতো দোকান-পোহাৰ

গুৱাহাটী, 24 জুনঃ প্ৰশাসনৰ নিষেধাজ্ঞাক অৱমাননা কৰি কামাখ্যালৈ যোৱা মূল পথত এতিয়াও আছে বহুতো দোকান-পোহাৰ ৷ এই দোকান পোহাৰৰ বাবে বিভিন্ন অসুবিধাত ভুগিব লগা হৈছে ভক্তসকলে ৷ পদপথ তথা পথটোৰ আধা অংশত দোকান পোহাৰ দিয়াৰ বাবে কোনো বাহন প্ৰৱেশ কৰিব নোৱাৰাৰ এক পৰিস্থিতিৰ সৃষ্টি হোৱা পৰিলক্ষিত হৈছে ৷

উল্লেখ্য যে, ইয়াৰ পূৰ্বে মহা অম্বুবাচীৰ সময়চোৱাত কামাখ্যালৈ যোৱা মূল পথত কোনো দোকান পোহাৰ দিয়াৰ ক্ষেত্ৰত প্ৰশাসনে নিষেধাজ্ঞা জাৰি কৰিছিল যদিও ফলপ্ৰসূ নহ'ল সেই নিৰ্দেশনা ৷ কিন্তু এই নিৰ্দেশনাৰ পিচতো কিছু এৰাধৰাৰ মাজেৰে এই সময়ছোৱাৰ কাম-কাজ চলাই যাব লাগিব বুলি সাংবাদিকৰ আগত মন্তব্য কৰে যুটীয়া আৰক্ষী আয়ুক্ত দেৱৰাজ উপাধ্যায়ে ৷