আৱকাৰী অধীক্ষক জীৱন ফুকনক 5 বছৰ সশ্ৰম কাৰাদণ্ড

পাঁচ বছৰৰ সশ্ৰম কাৰাদণ্ডৰ লগতে 25 হাজাৰ টকা জৰিমণা বিহা হয় জীৱন ফুকনক ৷ আৰক্ষীৰ দূৰ্নীতি নিবাৰক শাখাই গ্ৰেপ্তাৰ কৰি ৰুজু কৰা 18/2017 নম্বৰ গোচৰটোত আদালতে প্ৰদান কৰে এই ৰায়দান ৷

গুৱাহাটী, 24 মে': জীৱন ফুকনক 5 বছৰৰ বাবে সশ্ৰম কাৰাদণ্ড ৷ গুৱাহাটীস্থিত বিশেষ আদালতে দুৰ্নীতি প্ৰতিৰোধ আইনৰ অধীনত 12 (1) ধাৰাত এই শাস্তি প্ৰদান কৰে উৎকোচ লোৱাত গ্ৰেপ্তাৰ হোৱা আৱকাৰী অধীক্ষক গৰাকীক ৷ পাঁচ বছৰৰ সশ্ৰম কাৰাদণ্ডৰ লগতে 25 হাজাৰ টকা জৰিমণা বিহা হয় জীৱন ফুকনক ৷ আৰক্ষীৰ দূৰ্নীতি নিবাৰক শাখাই গ্ৰেপ্তাৰ কৰি ৰুজু কৰা 18/2017 নম্বৰ গোচৰটোত আদালতে প্ৰদান কৰে এই ৰায়দান ৷ গোচৰটোত চৰকাৰী পক্ষৰ হৈ ওকালতি কৰিছিল নৱস্মিতা গগৈয়ে । জৰিমনাৰ ধন আদায় নিদিলে প্ৰতিটো ধাৰাতে ছয় মাহকৈ মুঠ দুটা ধাৰাত এবছৰলৈ কাৰাবাস বৃদ্ধি হ'ব বুলিও ৰায়দানত উল্লেখ কৰে বিশেষ আদালতে ৷ উল্লেখ্য যে, 2017 চনত গোলাঘাটৰ এখন সুৰা বিপনীৰ স্বত্বাধিকাৰীৰ পৰা 30 হাজাৰ টকা উৎকোচ লঁও‌তে হাতেলোটে ধৰা পৰিছিল গোলাঘাটৰ আৱকাৰী অধীক্ষক জীৱন ফুকন ৷