ঠিকনা সলনি হ’ব সৰ্বানন্দ সোণোৱালৰ !

গুৱাহাটী মহানগৰীৰ জ্যোতিকুছি অঞ্চলৰ এক নং কাৰ্বি পথত আছে মুখ্যমন্ত্রীৰ নিজা আৱাসগৃহ । এটা সময়ত পৰিয়ালৰ লোক থকা এই ঘৰটো আটকধুনীয়াকৈ সজাই তোলা হৈছে ।

গুৱাহাটী, 4 জুন : মুখ্যমন্ত্রী হিচাপে ড৹ হিমন্ত বিশ্ব শৰ্মাই দায়িত্বভাৰ গ্ৰহণ কৰাৰ পাচতে প্ৰাক্তন মুখ্যমন্ত্রী সৰ্বানন্দ সোণোৱালৰ নতুন ঠিকনাৰ প্ৰসংগটো চৰ্চালৈ আহিছিল । বিগত ৫ বছৰে গুৱাহাটীৰ ব্ৰহ্মপুত্রৰ ৰাজ্যিক অতিথিশালাত থাকি ৰাজ্য শাসনভাৰ চলোৱা প্ৰাক্তন মুখ্যমন্ত্রী সোণোৱালে শীঘ্ৰেই সলনি কৰিব নিজৰ ঠিকনা ।

ঠিকনা সলনি হ’ব সৰ্বানন্দ সোণোৱালৰ

বৰ্তমান সময়ত দিছপুৰৰ মিনিষ্টাৰ কলনিৰ এম-১৩ নম্বৰৰ কোৱাটাৰটো প্ৰাক্তন মুখ্যমন্ত্রীগৰাকীৰ বাবে সজাই পৰাই তোলা হৈছে । ইফালে ইয়াৰ সমান্তৰালকৈ গুৱাহাটীৰ আন এটা দুমহলীয়া ঘৰ নতুন ৰূপ দি সজাই পৰাই তোলা হৈছে। হয়, গুৱাহাটীত আছে প্ৰাক্তন মুখ্যমন্ত্রী সোণোৱালৰ নিজা ঘৰ ।

উল্লেখযোগ্য যে, গুৱাহাটী মহানগৰীৰ জ্যোতিকুছি অঞ্চলৰ এক নং কাৰ্বি পথত আছে মুখ্যমন্ত্রীৰ নিজা আৱাসগৃহ । এটা সময়ত পৰিয়ালৰ লোক থকা এই ঘৰটো আটকধুনীয়াকৈ সজাই তোলা হৈছে । বৰ্তমান সময়ত অসম আৰক্ষীৰ চাৰিগৰাকী মহিলা জোৱান ঘৰটোৰ নিৰাপত্তাৰ দায়িত্বত নিয়োজিত হৈ আছে । হয়টো চৰকাৰী আৱাসৰ লগতে নিজা এই ঘৰটোত সময় কটাব প্ৰাক্তন মুখ্যমন্ত্রী গৰাকীয়ে ।

লগতে পঢ়কঃ এইবাৰো নহয় মা কামাখ্যা মন্দিৰৰ বিশ্বপ্ৰসিদ্ধ অম্বুবাচী মেলা