ক'ভিড-১৯ঃ সোণাপুৰৰ LNIPE ক কন্টেইনমেন্ট জ'ন ঘোষণা

সোণাপুৰৰ লক্ষ্মীবাই নেশ্ব'নেল ইঞ্চটিটিউট অৱ ফিজিকেল এডুকেশ্বন নামৰ প্ৰতিষ্ঠানটোৰ চৌহদক কন্টেইনমেন্ট জ'ন ঘোষণা কামৰূপ(ম) জিলা প্ৰশাসনৰ । বৃহস্পতিবাৰৰে পৰা অহা ২১ এপ্ৰিললৈকে বাহাল থাকিব কন্টেইনমেন্ট জ'ন ঘোষণাৰ এই নিৰ্দেশ ।

গুৱাহাটী, ৮ এপ্ৰিল: দেশত দ্ৰুতগতিত বৃদ্ধি পাইছে ক'ৰণাত আক্ৰান্ত ৰোগীৰ সংখ্যা । সমান্তৰালকৈ অসমতো বৃদ্ধি পাইছে ক'ৰণা ৰোগীৰ সংখ্যা । মন্ত্ৰী ডঃ হিমন্তবিশ্ব শৰ্মাই মানি নললেও সমগ্ৰ অসমৰ লগতে গুৱাহাটী মহানগৰীতো যে ক'ভিডে পুনৰ টোকৰ মাৰিছেহি সেয়া জিলা প্ৰশাসনে মানি লৈছে । যাৰ বাবে বৃহস্পতিবাৰে কামৰূপ(ম) জিলা প্ৰশাসনৰ ফালৰ পৰা সোণাপুৰৰ এখন শৈক্ষিক প্ৰতিষ্ঠানক ১৪ দিনৰ বাবে কন্টেইনমেন্ট জ'ন হিচাপে ঘোষণা কৰে জিলা প্ৰশাসনে ।

ক'ভিড-১৯ঃ সোণাপুৰৰ LNIPE ক কন্টেইনমেন্ট জ'ন ঘোষণা

সোণাপুৰৰ লক্ষ্মীবাই নেশ্ব'নেল ইঞ্চটিটিউট অৱ ফিজিকেল এডুকেশ্বন নামৰ প্ৰতিষ্ঠানটোৰ কেইবাগৰাকীও শিক্ষাৰ্থী ক'ভিড-১৯ত আক্ৰান্ত হোৱাৰ বাবে কামৰূপ(ম) জিলাৰ উপায়ুক্ত বিশ্বজিৎ পেগুৱে বৃহস্পতিবাৰে এক নিৰ্দেশযোগে উক্ত প্ৰতিষ্ঠানটোক আগন্তুক ১৪ দিনৰ বাবে কন্টেইনমেন্ট জ'ন হিচাপে ঘোষণা কৰে । বৃহস্পতিবাৰৰে পৰা কাৰ্যকৰী হোৱা কন্টেইনমেন্ট জ'নৰ এই নিৰ্দেশ অহা ২১ এপ্ৰিললৈকে বাহাল থাকিব ।

লগতে পঢ়ক: কমাৰবন্ধাত দেওৰেকৰ দাৰ ঘাপত প্ৰাণ গ'ল বৌয়েকৰ