ৰাষ্ট্ৰীয় পৰ্যায়ত জিলিকিল অভিনভ মহন্ত

প্ৰথমবাৰৰ বাবে ভাৰতীয় জাতীয় স্নকাৰ দলত স্থান লাভ কৰিছে অভিনভ মহন্তই । অভিনভক লৈ গৌৰাৱান্বিত জাতীয় দল সংগঠন ।

গুৱাহাটী, 8 আগষ্টঃ পোন প্ৰথমবাৰৰ বাবে ভাৰতীয় জাতীয় স্নকাৰ দলত স্থান লাভ কৰিছে অভিনভ মহন্তই । অভিনৱক লৈ গৌৰাৱান্বিত সকলো জাতীয় দল সংগঠন ।

অসমৰ এজন সুযোগ্য সন্তান অভিনভ মহন্ত । স্নকাৰ খেলৰ বাবে এতিয়া ৰাষ্ট্ৰীয় পৰ্যায়ত জিলিকিবলৈ সক্ষম হৈছে । অসমৰ ক্ৰীড়া ইতিহাসত পোন প্ৰথমবাৰৰ বাবে ভাৰতীয় জাতীয় স্নকাৰ দলত স্থান লাভ কৰিছে অভিনৱ মহন্তই । বেচৰকাৰী সংস্থা ডেউকাৰ লগতে কটন জাগৰণ মঞ্চই গুৱাহাটী প্ৰেছ ক্লাৱত বুধবাৰে অভিনভ মহন্তক অভিনন্দন জ্ঞাপনৰ উদ্দেশ্যে এখনি সভা অনুষ্ঠিত কৰে ।

সৰুৰে পৰা স্নকাৰ খেলৰ প্ৰতি আগ্ৰহী অভিনভ মহন্তই নিজৰ লক্ষ্যত উপনীত হ’বলৈ প্ৰতিদিনে কঠোৰ পৰিশ্ৰম কৰিছিল । দিনে 5 ৰ পৰা 6 ঘণ্টা কৈ অনুশীলন কৰিছিল অভিনভ মহন্তই । দেউতাকৰ বাবেই স্নকাৰ খেলৰ প্ৰতি আগ্ৰহী হৈছিল অভিনৱ মহন্ত । ভৱিষ্যত জীৱনত আন্তঃৰাষ্ট্ৰীয় পৰ্যায়ত খেলাৰ সপোন অভিনৱ মহন্তৰ । কঠোৰ পৰিশ্ৰম আৰু স্থিৰ লক্ষ্যই অধিক সুদৃঢ় কৰক অভিনভ মহন্তক ৷