হাটীগাঁও আৰক্ষীৰ অভিযানত আটক ছয়জনীয়া চোৰৰ দল

হাটীগাঁৱত আটক হৈছে ছয়জনীয়া চোৰৰ দল ৷ দলটোৰ পৰা বহু সংখ্যক সামগ্ৰী উদ্ধাৰ হৈছে ৷

গুৱাহাটী, 9 মাৰ্চ : হাটীগাঁও আৰক্ষীৰ অভিযানত আটক হ'ল ছয়জনীয়া এটা বৃহৎ চোৰৰ দল ৷ দেওবাৰে নিশা হাটীগাঁও আৰক্ষীয়ে এক গোপন সূত্ৰৰ পম খেদি হাটীগাঁও অঞ্চলৰ পৰা ছয়জনীয়া এটা বৃহৎ চোৰৰ দলক আটক কৰিবলৈ সক্ষম হয় ৷ ছয়জনীয়া চোৰৰ দলৰ পৰা কেইবাটাও মোবাইল ফোন, দুখন স্কুটি, বিভিন্ন সা-সৰঞ্জামৰ লগতে বহু আপত্তিজনক নথি-পত্ৰও জব্দ কৰিবলৈ সক্ষম হয় ৷ উল্লেখ্য যে, এই ছয়জনীয়া দলটোৰ চাৰিজনেই নাবালক বুলি জানিব পৰা গৈছে ৷

হাতীগাঁও আৰক্ষীয়ে এই সম্পৰ্কে এটা গোচৰ ৰুজু কৰাৰ লগতে দিব্য জ্যোতি ডেকা ওৰফে পেঞ্চিল, সঞ্জু স্বৰ্গীয়াৰীৰ লগতে আন চাৰিজনক আটক কৰি তদন্ত অব্যাহত ৰাখিছে ৷

আৰু পঢ়ক : খহনীয়াগ্ৰস্ত মাজুলীবাসীৰ হুমুনিয়াহবোৰ কোনে শুনিব !