লক ডাউনৰ সময়ত ৰাইজলৈ কি আহ্বান জনালে জনপ্ৰিয় কন্ঠশিল্পী পাপনে ?

পৰিয়ালৰ সৈতে মুম্বাইত জনপ্ৰিয় কন্ঠশিল্পী অংগৰাগ পাপন মহন্ত ৷ প্ৰধানমন্ত্ৰী নৰেন্দ্ৰ মোডীৰ আহ্বানৰ প্ৰতি সঁহাৰি জনাই ঘৰতে বিভিন্ন কামত ব্যস্ত হৈ আছে কন্ঠশিল্পীগৰাকী ৷ ঘৰৰ পৰাই ৰাইজলৈ এই লক ডাউন মানি চলাৰ বাবে বিশেষ অনুৰোধ কন্ঠশিল্পীগৰাকীৰ ৷

গুৱাহাটী,25 মাৰ্চঃ সম্প্ৰতি সমগ্ৰ দেশ লক ডাউনৰ সময়ত মুম্বাইত পৰিয়ালৰ সৈতে আছে জনপ্ৰিয় কন্ঠশিল্পী অংগৰাগ পাপন মহন্ত ৷ প্ৰধানমন্ত্ৰী নৰেন্দ্ৰ মোডীৰ আহ্বানৰ প্ৰতি সঁহাৰি জনাই ঘৰুৱা কামকাজ কৰি গৈছে পাপনে। সামাজিক দূৰত্ব বজাই ৰাখি বিগত ১২ দিন ধৰি ঘৰতে আছে জনপ্ৰিয় কণ্ঠশিল্পীগৰাকী । এই সময়চোৱাত ৰাইজলৈ বিশেষ আহ্বান জনালে কণ্ঠশিল্পীগৰাকীয়ে । সকলোকে ঘৰতে থাকি পৰিয়ালক সময় দিয়াৰ বাবে আহ্বান জনাই পাপনে । লক ডাউনৰ সময়চোৱাত সকলোৱে সামাজিক দূৰত্ব বজাই ৰাখিলে মৃত্যুদূত কৰ'ণা ভাইৰাছৰ চেইনডাল ছিঙি পৰিব বুলি কয় জনপ্ৰিয় কণ্ঠশিল্পী পাপনে । লগতে স্বাস্থ্য বিভাগৰ নীতি নিৰ্দেশনা মানি চলিবলৈও সকলোকে আহ্বান জনাইছে জনপ্ৰিয় কণ্ঠশিল্পীগৰাকীয়ে ৷

লগতে পঢ়কঃলক ডাউনত সহযোগ কৰিবলৈ অনুৰোধ অমিতাভ বচ্চনৰ