দুলিয়াজানৰ SP সন্মিলনৰ পাৰ্শ্বক্ৰিয়া : ইজনৰ পিছত সিজন শীৰ্ষ আৰক্ষী ক’ভিড প'জিটিভ

3 ৰ পৰা 5 জানুৱাৰীলৈকে দুলীয়াজানত অনুষ্ঠিত হৈ যোৱা অসম আৰক্ষীৰ অধীক্ষক সকলৰ বৈঠকে এতিয়া বিপদ মাতিছে আৰক্ষীৰ(Side effects of the SP conference in Duliajan) ৷ সাধাৰণ জনতাক ক'ভিড-19ৰ সংক্ৰমণৰ পৰা বাচি থাকিবলৈ সততে সতৰ্ক কৰি অহা অসম আৰক্ষীৰ কেইবাজনো শীৰ্ষ বিষয়া এতিয়া নিজেই আক্ৰান্ত হৈছে ক'ভিড-19ত(Many top police officers have been affected in Covid) ৷ গতিকে স্বাভাৱিকতে প্ৰশ্ন উত্থাপন হৈছে, সঁচাকৈ দুলীয়াজানত তিনিদিনীয়াকৈ অনুষ্ঠিত হৈ যোৱা শীৰ্ষ আৰক্ষীৰ সন্মিলনত ক'ভিড-19 বিধি কঠোৰভাৱে মানি চলা হৈছিলনে ?

গুৱাহাটী, 10 জানুৱাৰীঃ দুলীয়াজানৰ অসম আৰক্ষীৰ অধীক্ষকসকলৰ সন্মিলনত ভাগ লোৱাৰ পিছতেই এতিয়া ইজনৰ পিছত সিজনকৈ শীৰ্ষ আৰক্ষী বিষয়াৰ শৰীৰত ধৰা পৰিছে‌ ক'ভিড-19ৰ সংক্ৰমণ (Many top police officers have been affected in Covid) ৷ প্ৰাপ্ত খবৰ অনুসৰি, সেই বৈঠকত ভাগ লোৱা ছখন জিলাৰ আৰক্ষী অধীক্ষক, এগৰাকী অতিৰিক্ত সঞ্চালক প্ৰধান আৰু এগৰাকী উপ-মহাপৰিদৰ্শক এই পৰ্যন্ত ক'ভিড-19ত আক্ৰান্ত হৈছে ৷

ক’ভিড-19 ত আক্ৰান্ত হ’ল কেইবাজনো শীৰ্ষ বিষয়া

আৰক্ষীৰ অধীক্ষকৰ সন্মিলনত ভাগ লোৱা গোৱালপাৰা, বাক্সা, শদিয়া আৰু শোণিতপুৰৰ আৰক্ষী অধীক্ষকৰ লগতে আৰু দুগৰাকী আৰক্ষী অধীক্ষক ইতিমধ্যেই ক'ভিড-19 পজিটিভ বুলি ধৰা পৰিছে ৷ আনহাতে বিশেষ শাখাৰ অতিৰিক্ত সঞ্চালক প্ৰধান গৰাকীও সম্প্ৰতি ক'ভিড-19ত আক্ৰান্ত হৈ হোম আইশ্ব'লেছনত আছে (Side effects of the SP conference in Duliajan) ৷

দুলীয়াজানৰ সন্মিলনত ভাগ লোৱা কেৱল শীৰ্ষ আৰক্ষী বিষয়া সকলেই যে ক'ভিড-19ত আক্ৰান্ত হৈছে তেনে নহয়, তলৰ পৰ্যায়ৰো বহুকেইগৰাকী বিষয়া আক্ৰান্ত হৈছে ক'ভিড-19 ত । ইয়াৰে কেইবাগৰাকীও বৰ্তমান চিকিৎসাধীন হৈ আছে ।

লগতে পঢ়ক:Omicron varient in India : ভাৰতত দিনে 13.29 শতাংশ হাৰত বৃদ্ধি ক'ভিডত আক্ৰান্তৰ সংখ্যা