গুৱাহাটী, ৫ ফেব্ৰুৱাৰী: ৰাজ্যত সাতখন নতুন কৰ্কট চিকিৎসালয় নিৰ্মাণৰ কাম শীঘ্ৰে আৰম্ভ কৰিব অসম কেন্সাৰ কেয়াৰ ফাউণ্ডেচনে (Assam cancer care foundation) । ৰাজ্যখনৰ কৰ্কট ৰোগীসকলৰ বাবে অসমতে বিশ্বমানৰ সুলভ চিকিৎসা সেৱা উপলব্ধ কৰোৱাৰ লক্ষ্যৰে ৰাজ্য চৰকাৰে টাটা ট্ৰাষ্টৰ সহযোগত গঠন কৰা এ চি চি এফৰ সঞ্চালক মণ্ডলীৰ এখন গুৰুত্বপূৰ্ণ বৈঠকত নতুন কৰ্কট চিকিৎসালয়কেইখনৰ নিৰ্মাণ সন্দৰ্ভত বিস্তাৰিতভাৱে আলোচনা কৰা হয় (New cancer hospitals in Assam) ।
গুৱাহাটীৰ হোটেল ভিভাণ্টাত শনিবাৰে নিশা স্বাস্থ্যমন্ত্ৰী কেশৱ মহন্তৰ উপস্থিতিত এ চি চি এফৰ সঞ্চালক মণ্ডলীৰ অষ্টদশ সংখ্যক বৈঠক অনুষ্ঠিত হয় (18th meeting of ACCFs Board of Directors)। মুখ্যমন্ত্ৰী কাৰ্যালয়ৰ প্ৰধান সচিব সমীৰ সিনহা, চিকিৎসা শিক্ষা আৰু গৱেষণা বিভাগৰ আয়ুক্ত সচিব ডাঃ সিদ্ধাৰ্থ সিং, টাটা ট্ৰাষ্টৰ উপাধ্যক্ষ বিজয় সিং (Tata Trusts), এ চি চি এফৰ প্ৰকল্প সঞ্চালক গৌতম চিন্তে, সঞ্চালক মণ্ডলীৰ বিশেষ আমন্ত্ৰিত সদস্য ৰঞ্জিত বৰঠাকুৰ এই বৈঠকত উপস্থিত থাকে (Meeting of Health Minister Keshav Mahanta with ACCF)। ইপিনে, পৰিচালনা মণ্ডলীৰ আনকেইগৰাকী সদস্যই ভিডিঅ' কনফাৰেন্সিঙৰ মাধ্যমেৰে অংশ গ্ৰহণ কৰে ।
ইতিমধ্যে আনুষ্ঠানিক উদ্বোধনেৰে চিকিৎসা সেৱা আৰম্ভ হৈছে এ চি চি এফ প্ৰকল্পৰ প্ৰথম পৰ্যায়ত ডিব্ৰুগড়, যোৰহাট, বৰপেটা, কোকৰাঝাৰ, লখিমপুৰ, তেজপুৰ আৰু মঙলদৈত নিৰ্মিত সাতখন কৰ্কট চিকিৎসা কেন্দ্ৰত ৷ এই বৈঠকত কৰ্কট চিকিৎসা কেন্দ্ৰকেইটাৰ সামগ্ৰিক পৰিচালনা ব্যৱস্থাৱলীৰ লগতে বিশেষজ্ঞ চিকিৎসক তথা স্বাস্থ্যকৰ্মীকে ধৰি মানৱ সম্পদৰ যথাযথ উপলব্ধতাৰ বিষয়ে স্বাস্থ্যমন্ত্ৰীসহ সঞ্চালক মণ্ডলীৰ সদস্যসকলে সবিশেষ আলোচনা কৰে (Construction of seven new cancer hospitals in Assam)। প্ৰকল্পটোৰ প্ৰথম পৰ্যায়ৰ অন্তৰ্গত ডিফু আৰু শিলচৰৰ কৰ্কট চিকিৎসা কেন্দ্ৰৰ লগতে গুৱাহাটীৰ ৰাজ্যিক কৰ্কট প্ৰতিষ্ঠানৰ অন্তিম পৰ্যায়ৰ অৱশিষ্ট নিৰ্মাণকাৰ্য সম্পূৰ্ণ কৰি শীঘ্ৰে চিকিৎসা সেৱা মুকলি কৰিব পৰাকৈ উদ্বোধনৰ বাবে সাজু কৰিবলৈ বৈঠকত সিদ্ধান্ত গ্ৰহণ কৰা হয় ।