গুৱাহাটী, ২৭ অক্টোবৰঃ প্ৰেছ এমব্লেম কেম্পেইন চমুকৈ পিইচি নামৰ আন্তৰ্জাতিক সংস্থাৰ ভাৰতৰ প্ৰতিনিধি হিচাপে বাছনি কৰা হৈছে অসমৰ জ্যেষ্ঠ সাংবাদিক নৱ ঠাকুৰীয়াক। জেনেভা অৱস্থিত পিইচি নামৰ সংস্থাটোৱে সমগ্ৰ পৃথিৱীতে সংঘটিত সাংবাদিক হত্যা, সংবাদকৰ্মীৰ ওপৰত হোৱা নিগ্ৰহ আৰু শেহতীয়াকৈ ক’ভিডত মৃত্যু হোৱা সাংবাদিকৰ তালিকা প্ৰস্তুত কৰি আহিছে।
বিশ্বৰ কেইবাখনো আগশাৰীৰ দেশৰ সাংবাদিকৰ উদ্যোগত ২০০৪ চনত জন্ম লাভ কৰা প্ৰেছ এমব্লেম কেম্পেইনৰ জ্যেষ্ঠ বিষয়া ব্লেইঞ্জ লেম্পেনে নৱ ঠাকুৰীয়াক এই দায়িত্ব অৰ্পণৰ কৰাৰ লগতে জাৰ্নেলিষ্ট ফ’ৰাম অৱ অসমৰ সভাপতি ৰূপম বৰুৱাক ইয়াৰ সহযোগী সংগঠন হিচাপে সন্মান আগবঢ়াইছে । উল্লেখ্যযোগ্য যে , বিগত এটা দশক ধৰি ৰাষ্ট্ৰসংঘত নিজৰ বক্তব্য উপস্থাপন কৰি অহা সংস্থাটোৱে ভাৰতবৰ্ষৰ বিভিন্ন প্ৰান্তত কৰ্মৰত সাংবাদিকৰ আৰ্থিক অৱস্থা সম্পৰ্কতো অধ্যয়ন কৰিব।