শ্ববে বৰাতৰ নিশা দোৱা কৰিবলৈ ৰাইজক আহ্বান গুৱাহাটী কবৰস্থান কমিটিৰ

শ্ববে বৰাত উপলক্ষে নিশা ইছলাম ধৰ্মাৱলম্বী লোকসকলে কবৰ জিয়াৰত কৰাৰ লগতে দোৱা কৰে আৰু মছজিদত ইবাদত কৰে ৷ এয়া ইছলাম ধৰ্মৰ এক পৰম্পৰা ৷ কিন্তু এইবাৰ কৰ’ণা ভাইৰাছৰ বাবে যিকোনো উৎসৱ অথবা পৰম্পৰা পালনত সৃষ্টি হৈছে প্ৰতিবন্ধকতা ৷

গুৱাহাটী,9 এপ্ৰিলঃবৃহস্পতিবাৰে ইছলাম ধৰ্মাৱলম্বী লোকসকলৰ পৱিত্ৰ ধর্মীয় পৰ্ব শ্ববে বৰাত ৷ এই নিশা ইছলাম ধৰ্মাৱলম্বী লোকসকলে কবৰ জিয়াৰত কৰাৰ লগতে দোৱা কৰে আৰু মছজিদত ইবাদত কৰে ৷ এয়া ইছলাম ধৰ্মৰ এক পৰম্পৰা ৷ কিন্তু এইবাৰ কৰ’ণা ভাইৰাছৰ বাবে যিকোনো উৎসৱ অথবা পৰম্পৰা পালনত সৃষ্টি হৈছে প্ৰতিবন্ধকতা ৷ মহানগৰীৰ আঠগাঁৱস্থিত গুৱাহাটী কবৰস্থান কমিটিয়ে চৰকাৰৰ নিৰ্দেশমৰ্মে সম্পূৰ্ণ বন্ধ ৰাখিছে কবৰস্থানৰ প্ৰৱেশদ্বাৰ । যাৰ ফলত সম্পূৰ্ণভাৱে বন্ধ হৈ আছে কবৰস্থানৰ ভিতৰত থকা মছজিদ ৷

সেয়ে গুৱাহাটী কবৰস্থান কমিটিৰ তৰফৰ পৰা ঘৰতে থাকি আল্লাহৰ ইবাদত আৰু মৃতসকলৰ বাবে দোৱা কৰিবলৈ ইছলামধৰ্মী লোকসকলক আহ্বান জনোৱা হয় ।

লগতে চাওকঃলক ডাউনঃ কামৰূপৰ শিঙিমাৰীত পথাৰতে নষ্ট ৰবিশস্য