মহানগৰীৰ মালিগাঁৱত চাঞ্চল্যকৰ চুৰিকাণ্ড

দিন দুপৰতে চোৰৰ অভিযান চলিল পাণ্ডুৰ নিউ কলনিত

মহানগৰীৰ মালিগাঁৱত চাঞ্চল্যকৰ চুৰিকাণ্ড

নিউজ ডেস্ক, মালিগাঁৱ, 20 মাৰ্চঃ পুণৰ মহানগৰীৰ মালিগাঁৱত চাঞ্চল্যকৰ চুৰিকাণ্ডৰ ঘটনা । এইবাৰ দিন দুপৰতে চোৰৰ অভিযান চলিল পাণ্ডুৰ নিউ কলনিত । ঘৰত কোনো নথকাৰ সুযোগ লৈ চোৰে লুটপাত চলালে বাবুল দাস নামৰ এগৰাকী ব্যক্তিৰ ঘৰত। চোৰে ব্যক্তিগৰাকীৰ আলমিৰা ভাঙি লুটি নিয়ে প্ৰায় ১০ লক্ষাধিক টকাৰ আ-অলংকাৰ ।

পিছত ঘটনাস্থলীত জালুকবাৰী আৰক্ষী উপস্থিত হৈ আৰম্ভ কৰে তদন্ত । সম্প্ৰতি স্নিফাৰ ডগেৰে আৰক্ষীয়ে চোৰৰ সন্ধানত চলাইছে অভিযান । কিন্তু প্ৰতিদিনে আৰক্ষীৰ নাকৰ তলেৰে চোৰে এনেদৰেই সংঘটিত কৰি আছে চুৰিকাণ্ড । স্মাৰ্ট চোৰক নাকি লগাবলৈ বৰ্তমানো সক্ষম হোৱা নাই মহানগৰীৰ স্মাৰ্ট আৰক্ষী ।