পথ দূৰ্ঘটনা ৰোধৰ উদ্দেশ্যে ৰাজ্য চৰকাৰৰ উদ্যোগত বিশেষ ৰেলী

পথ দুৰ্ঘটনা হ্ৰাস কৰিবৰ বাবে শনিবাৰে অসম চৰকাৰৰ পৰিবহণ বিভাগৰ উদ্যোগত এক বিশেষ পদক্ষেপ গ্ৰহণ কৰা হয় ৷ পথ সজাগতা মাহৰ উপলক্ষে পৰিবহণ নীতি-নিয়ম মানি চলি দূৰ্ঘটনা ৰোধ কৰাৰ উদ্দেশ্যে সজাগত সৃষ্টিৰ বাবে শতাধিক ছাত্ৰ-ছাত্ৰীক লগত লৈ সৰুসজাইৰ পৰা উলিওৱা হয় এক বিশেষ ৰেলী ৷

গুৱাহাটী, 6 ফেব্ৰুৱাৰী : ৰাজ্যত সঘনাই সংঘটিত হৈ থকা পথ দূৰ্ঘটনা ৰোধ কৰাৰ উদ্দেশ্যে শনিবাৰে অসম চৰকাৰৰ পৰিবহণ বিভাগৰ উদ্যোগত এক বিশেষ পদক্ষেপ গ্ৰহণ কৰা হয় ৷ পথ সজাগতা মাহৰ উপলক্ষে পৰিবহণ নীতি-নিয়ম মানি চলি দূৰ্ঘটনা ৰোধ কৰাৰ উদ্দেশ্যে সজাগত সৃষ্টিৰ বাবে শতাধিক ছাত্ৰ-ছাত্ৰীক লগত লৈ সৰুসজাইৰ পৰা উলিওৱা হয় এক বিশেষ ৰেলী ৷

ৰেলীৰ সময় পথ সুৰক্ষা, জীৱন সুৰক্ষা শ্ল'গানেৰে পথ দুৰ্ঘটনা হ্ৰাস কৰাৰ স্বাৰ্থত সাধাৰণ ৰাইজৰ মাজত সজাগতা সৃষ্টিৰ প্ৰয়াস কৰে অসম চৰকাৰৰ পৰিবহণ বিভাগে ৷ কাৰ্যসূচীত উপস্থিত থাকি ৰেলীৰ শুভাৰম্ভ কৰে ৰাজ্যৰ মুখ্যমন্ত্ৰী সৰ্বানন্দ সোণোৱালে ৷ ইয়াৰ লগতে এই কাৰ্যসূচীত অংশগ্ৰহণ কৰে পৰিবহণ মন্ত্ৰী চন্দ্ৰমোহন পাটোৱাৰীয়ে ৷

সাংবাদিক সম্বোধন কৰি মন্ত্ৰী চন্দ্ৰমোহন পাটোৱাৰীয়ে কয়, প্ৰতিবছৰে তিনিহাজাৰতকৈ অধিক লোক দূৰ্ঘটনাগ্ৰস্থ হৈ মৃত্যু হয় । ৰাজ্যত ভয়াবহভাৱে বৃদ্ধি পোৱা দুৰ্ঘটনাৰ সংখ্যা হ্ৰাস কৰিবৰ বাবে মাত্ৰ এটা মাহেই নহয়, বছৰটোৰ প্ৰতিটো মাহেই পথ সুৰক্ষাৰ প্ৰতিটো নিয়ম মানি চলিব লাগিব বুলি মন্তব্য প্ৰকাশ কৰে মন্ত্ৰী চন্দ্ৰমোহন পাটোৱাৰীয়ে ।

লগতে পঢ়ক: ইতিহাস ! দেশৰ প্ৰথমটো পূৰ্ণকালীন মহিলা কোব্ৰা বেটালিয়ন মুকলি