বকোৰ 17 নং ৰাষ্ট্ৰীয় ঘাইপথত পথ দুৰ্ঘটনা

বকোৰ 17 নং ৰাষ্ট্ৰীয় ঘাই পথত হিৰো গ্লেমাৰ মটৰ চাইকেলত খুন্দা মাৰিলে এখন মালবাহী মহিন্দ্ৰা চুপ্ৰই ৷ দুৰ্ঘটনাটোৰ ফলত গুৰুতৰ ভাৱে আহত হাহিম বাক্ৰাপাৰাৰ ফলডি চাংমা আৰু বকো বীৰপাৰাৰ ৰূপজ্যোতি বড়ো ৷ উন্নত চিকিৎসাৰ বাবে যুৱকদ্বয়ক গুৱাহাটী চিকিৎসা মহাবিদ্যালয়লৈ প্ৰেৰণ ৷

বকো, 15 জানুৱাৰী:ভোগালী বিহুৰ আনন্দ উল্লাসৰ মাজতে বকোৰ 17 নং ৰাষ্ট্ৰীয় ঘাইপথত এক শোকাৱহ পথ দুৰ্ঘটনা সংঘটিত হৈছে ৷ AS25DC3655 নম্বৰৰ এখন মালবাহী মহিন্দ্ৰা চুপ্ৰ গাড়ীয়ে AS25M3856 নম্বৰৰ এখন হিৰো গ্লেমাৰ মটৰ চাইকেলত খুন্দা মৰাৰ ফলতে উক্ত দুৰ্ঘটনাটো সংঘটিত হয় বুলি জানিব পৰা গৈছে ৷

মালবাহী মহিন্দ্ৰা চুপ্ৰ খনে মটৰ চাইকেলত খুন্দা মৰাৰ ফলতে দুৰ্ঘটনাটো সংঘটিত হয়

উক্ত দুৰ্ঘটনাৰ ফলত হাহিম বাক্ৰাপাৰাৰ ফলডি চাংমা আৰু বকো বীৰপাৰাৰ ৰূপজ্যোতি বড়ো গুৰুতৰভাৱে আঘাতপ্ৰাপ্ত হয়। ঘটনা সংঘটিত হোৱাৰ লগে লগে বকো আৰক্ষী ঘটনাস্থলীত উপস্থিত হৈ স্থানীয় ৰাইজৰ সহযোগত যুৱকদ্বয়ক বকোস্থিত প্ৰাথমিক স্বাস্থ্য কেন্দ্ৰত ভৰ্তি কৰাই যদিও চিকিৎসকে উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে ৷ ইতিমধ্যে বকো আৰক্ষীয়ে দুয়োখন গাড়ী জব্দ কৰি বকো থানালৈ লৈ আনিছে ৷

লগতে পঢ়ক:আমৰণ অনশন প্ৰত্যাহৰ সত্যৰঞ্জন বৰাৰ