গুৱাহাটী, 30 অক্টোৱৰ : ৰাজীৱ ভৱনত প্ৰদেশ কংগ্ৰেছৰ সভাপতি ৰিপুন বৰাৰ সংবাদমেল ৷ বিজেপি চৰকাৰৰ ২০১৬-১৭ বিত্তীয় বৰ্ষৰ বাজেটকলৈ প্ৰতিক্ৰিয়া প্ৰকাশ সভাপতি ৰিপুন বৰাৰ ৷ “২০১৬-১৭ বৰ্ষৰ বাজেটত সমগ্ৰ ৰাজ্যত ২৫ টা কোষাগাৰ নিৰ্মাণ কৰাৰ প্ৰতিশ্ৰুতি দিছিল বিজেপি চৰকাৰে ৷ কিন্তু কাৰ্যক্ষেত্ৰত মাত্ৰ এটা কোষাগাৰ নিৰ্মাণ হোৱাৰ পৰিৱৰ্তে আন এটা কোষাগাৰৰ মাত্ৰ ফলকখনহে লাগিল ৷ ইয়াৰ লগতে বৰ্তমানৰ চৰকাৰ খনে ২০১৬-১৭ বিত্তীয় বৰ্ষত মুঠ বাজেটৰ ৩০ শতাংশ পুঁজি ব্যয় কৰাত ব্যৰ্থ হৈছিল ৷ ” বুলি প্ৰতিক্ৰিয়া প্ৰকাশ বৰাৰ ৷
আৰক্ষী থানা সমূহৰ আধুনিকীকৰণ কৰা প্ৰসংগতো ৰিপুন বৰাই কয় যে, “আৰক্ষী থানাৰ আধুনিকীকৰণৰ নামত চৰকাৰে মাথো ভেকো-ভাৱনাহে চলালে ৷ খোদ গুৱাহাটী মহানগৰীৰে গীতানগৰ, সাতগাঁও, প্ৰাগজ্যোতিষপুৰ আৰক্ষী থানালৈ চালেই ইয়াৰ উদাহৰণ পোৱা যায় ৷ ৰাজ্যৰ ৩৪৫ খন থানাৰ প্ৰতিখন থানাৰ আন্তঃগাঁথনি আদি উন্নয়নৰ নামত ধাৰ্য কৰা ধন ক’ত ব্যয় কৰিলে বুলি সংবাদমেলত কটাক্ষ ৰিপুন বৰাৰ ৷