ৰিপুন বৰাৰ সিদ্ধান্তক দুৰ্ভাগ্যজনক আখ্যা অজিত ভূঞাৰ

ৰিপুন বৰাৰ পদত্যাগৰ পাচতেই বিভিন্নজনে প্ৰকাশ কৰিছে প্ৰতিক্ৰিয়া(Ripun Bora left congress) । কোনোৱে কৰিছে সমালোচনা আন কোনোৱে দিছে গৰিহণা । ইয়াৰ ৰিপুন বৰাৰ পদত্যাগ সন্দৰ্ভত প্ৰথমবাৰলৈ প্ৰতিক্ৰিয়া প্ৰকাশ কৰে ৰাজ্য সভাৰ সাংসদ অজিত ভূঞাই । কি ক'লে ভূঞাই ?

গুৱাহাটী, ১৯ এপ্ৰিল: ৰাজ্যসভাৰ সাংসদ অজিত ভূঞাই মঙলবাৰে গুৱাহাটী প্ৰেছ ক্লাৱত সম্বোধন কৰে এক সংবাদমেল(Rajya Sabha MP Ajit Bhuyan's press conference) । সংবাদমেলত ভূঞাৰ মুখত ৰিপুন বৰাৰ প্ৰসংগ । ৰিপুন বৰাৰ সিদ্ধান্তক ভুল আৰু দুৰ্ভাগ্যজনক আখ্যা দিলে সাংসদগৰাকীয়ে ।

গুৱাহাটী প্ৰেছ ক্লাৱত আয়োজিত সংবাদমেলখনত ৰিপুন বৰাৰ প্ৰসংগত তেওঁ কয় যে ৰিপুন বৰাই ছাগে অন্য কিবা বিছাৰিছে (Ripun Bora resigned from congress) । কংগ্ৰেছে ৰিপুন বৰাক বহুখিনি দিলে কিন্তু ৰাইজে বৰাক বিশ্বাসত নল’লে বুলিও মন্তব্য অজিত ভূঞাৰ । জয়ী হ'ব নোৱাৰাৰ বাবে ৰিপুন বৰাই একমাত্ৰ দায়ী বুলি দাবী কৰে ভূঞাই ।

লগতে সাংসদগৰাকীয়ে চৰকাৰখনক সমালোচনা কৰি কয় যে চৰকাৰখনে হিন্দী সংস্কৃতিক আদৰিছে । চৰকাৰখনে এফালৰ পৰা চৰকাৰী বিদ্যালয়, নামঘৰ সকলো নোহোৱা কৰিব খুজিছে বুলিও অভিযোগ উত্থাপন কৰে ভূঞাই ।

ইফালে হনুমান জয়ন্তী সন্দৰ্ভটো মন্তব্য সাংসদ গৰাকীৰ । হনুমান জয়ন্তী উদযাপন কৰিবলৈ আৰম্ভ কৰিছে অসমৰ সংস্কৃতি নোহোৱা কৰি দিব খুজিছে চৰকাৰে । অসমৰ ৰাইজে সময়ত বাধা দিয়া হ'লে আজি এনেকুৱা পৰিস্থিতিৰ মুখামুখি নহ'লো হেতেন বুলি মন্তব্য কৰে সাংসদ ভূঞাই ।

লগতে পঢ়ক:ৰিপুন বৰাক বহল অন্তৰৰ মানুহ আখ্যা ৰকিবুল হুছেইনৰ