গুৱাহাটী,১৮ ছেপ্টেম্বৰ: নতুন অভিলেখ সৃষ্টি কৰিলে ৰাজধানী চহৰ গুৱাহাটী মহানগৰীয়ে । পূৰ্বৰ নিজৰ অভিলেখ ভংগ কৰি গঢ়িলে নতুন অভিলেখ । অৱশ্যে এই অভিলেখ ইতিবাচক নে নেতিবাচক সেয়া ৰাইজে নিজেই বিবেচনা কৰিব । কাৰণ সুৰা বিক্ৰীৰ ক্ষেত্রত গুৱাহাটী মহানগৰীয়ে গঢ়িছে অভিলেখ (Wine selling record of Guwahati) ।
পূৰ্বৰ ৩ কোটিৰ ঠাইত এইবাৰ ৬ কোটি । অৰ্থাৎ দুগুণ । পূৰ্বৰ সকলো অভিলেখ ভংগ কৰিলে গুৱাহাটীয়ে । এইবাৰ বিশ্বকৰ্মা পূজাত অসমৰ অৰ্থনীতি মজবুত কৰাত বৃহৎ যোগদান দিলে সুৰাপায়ী সকলে । বিশ্বকৰ্মা পূজাৰ দিনটোত অৰ্থাৎ শনিবাৰে গুৱাহাটীত বিক্ৰী হ'ল মুঠ ৬.২০ কোটি টকাৰ সুৰা(Liquor worth Rs 6 crore sold in Guwahati) । ২০২১ বৰ্ষত এই পৰিমাণ আছিল ৩.৭০ কোটি টকা ।