গুৱাহাটী,১৪ ছেপ্তেম্বৰ : ৰাজ্যৰ প্ৰতিটো বিধানসভা সমষ্টিৰে উন্নয়ন কৰাৰ সংবিধানৰ শপত গ্ৰহণ কৰি শাসনত বহা হিমন্ত বিশ্ব শৰ্মা নেতৃত্বাধীন চৰকাৰখনে মাত্ৰ নিজ দলৰ বিধায়ক থকা সমষ্টি সমূহতহে বেছি গুৰুত্ব দিয়া দেখিবলৈ পোৱা গৈছে । এই অভিযোগ বিৰোধী দলপতি দেবব্ৰত শইকীয়াৰ ।
চৰকাৰৰ বিৰুদ্ধে প্ৰতাৰণাৰ অভিযোগ বিৰোধী দলপতি দেবব্ৰত শইকীয়াৰ
এই সন্দৰ্ভত প্ৰতিক্ৰিয়া প্ৰকাশ কৰি বিৰোধী দলপতিগৰাকীয়ে কয়, ‘‘বিশেষকৈ আগন্তুক উপ-নিৰ্বাচনৰ প্ৰতি লক্ষ্য ৰাখি থাওৰা, মৰিয়নী, ভৱানীপুৰ এই সমষ্টিকেইটাত চৰকাৰৰ ৩-৪ জনকৈ মন্ত্ৰী উপস্থিত হৈ আধাৰশিলা স্থাপন কৰাত ব্যস্ত হৈ আছে । যদিও আধাৰশিলা স্থাপন কৰি, প্ৰলোভন দেখুৱাই ৰাইজক প্ৰতাৰণা কৰাটো বিজেপি দলৰ এক বৈশিষ্ট’’ ।