জাতীয়তাবাদী যুৱ-ছাত্ৰ পৰিষদৰ বিহু উৰুৱা উৎসৱ

চেনেহৰ ৰঙালীৰ অন্তিমটো দিন উদযাপন কৰিবলৈ উলহ-মালহেৰে আগবাঢ়ি আহিছে প্ৰতিগৰাকী অসমীয়া ৷

গুৱাহাটী, 20 এপ্ৰিল : সাত বিহু উপলক্ষে নাৰেংগীত উদযাপন 'বিহু উৰুৱা উৎসৱ'৷ অসম জাতীয়তাবাদী যুৱ ছাত্ৰ পৰিষদৰ গুৱাহাটী মহানগৰ সমিতিৰ উদ্যোগত আয়োজন কৰা হৈছে বিহু উৰুৱা উৎসৱ ৷

নাৰেংগী উন্নয়ন সমিতিৰ খেল পথাৰত অনুষ্ঠিত হোৱা বিহু কাৰ্যসূচীত পুৱা পতাকা উত্তোলন, শ্বহীদ তৰ্পন অনুষ্ঠানৰ পিছতে উলিওৱা হয় এক সাংস্কৃতিক শোভাযাত্ৰা ৷ বাৰেৰহনীয়া এই শোভাযাত্ৰাত সংগঠনটোৰ কেন্দ্ৰীয় সমিতিৰ সাধাৰণ সম্পাদক পলাশ চাংমাই সহ অন্য বিষয়ববীয়াৰ লগতে অঞ্চলটোৰ বিভিন্ন লোকে অংশগ্ৰহণ কৰে ৷ বিহু থলীত নিশা অনুষ্ঠিত হ’বলগীয়া সাংস্কৃতিক সন্ধিয়াত গীত পৰিৱেশন কৰিব জনপ্ৰিয় কণ্ঠশিল্পী তৰালী শৰ্মাই ৷