কৃত্ৰিম বানৰ কৱলত ৰঙিয়াৰ ইচ্ছাপুৰবাসী

এজাক বৰষুণতেই ৰঙিয়াৰ ২নং ইচ্ছাপুৰ গাঁৱত সৃষ্টি হয় কৃত্ৰিম বানৰ, বৰষুণৰ ফলত পথত একাঠু বোকাৰ সৃষ্টি হৈ অচল হৈ পৰে অঞ্চলটোৰ যাতায়ত ব্যৱস্থা, যাৰ বাবে স্থানীয় ৰাইজ ক্ষোভিত হৈ সাব্যস্ত কৰে প্ৰতিবাদ

ৰঙিয়া,৪জুন : উন্নয়নৰ আন এক ছবি ৰঙিয়াৰ ২নং ইচ্ছাপুৰ গাঁৱত । এজাক বৰষুণতেই সৃষ্টি হোৱা কৃত্ৰিম বানত এমাহ ধৰি দুৰ্ভোগ ভুগিবলগীয়া হৈছে গাঁওবাসীয়ে । বৰষুণৰ ফলত পথত একাঠু বোকাৰ সৃষ্টি হৈ অচল হৈ পৰে অঞ্চলটোৰ যাতায়ত ব্যৱস্থা । ইফালে ৰাইজৰ দুৰ্দশাৰ খবৰ লবলৈ আহৰি নাই বিভাগীয় কৰ্তৃপক্ষৰ । যাৰ বাবে স্থানীয় ৰাইজে ক্ষোভিত হৈ মংগলবাৰে সাব্যস্ত কৰে প্ৰতিবাদ । স্থানীয় ৰাইজৰ দাবী অতি শীঘ্ৰে বান ৰোধৰ বাবে ব্যৱস্থা গ্ৰহণ কৰক বিভাগীয় কৰ্তৃপক্ষই ।

ইফালে, অঞ্চলটোৰ পথবোৰত নলা-নৰ্দমাৰ কোনো ব্যৱস্থা নথকাৰ বাবে সৃষ্টি হয় কৃত্ৰিম বানৰ । অঞ্চলবাসীৰ মতে বিজেপি চৰকাৰে কেৱল উন্নয়নৰ কথা মুখৰেহে কব পাৰে, প্ৰকৃততে ইয়াৰ কাৰ্য হাতে-কামে নচলে । যাৰ বাবে স্থানীয় ৰাইজে বিজেপি চৰকাৰৰ বিৰোধিতাৰে সাব্যস্ত কৰে প্ৰতিবাদ ।