গুৱাহাটী, 14 মে’: মাজ-জালুকাৰী সাহিত্য সভাৰ উদ্যোগত, গুৱাহাটী প্ৰেছ ক্লাবত দেওবাৰে অনুষ্ঠিত হয় চতুৰ্থ লানি "ৰমেশ চন্দ্ৰ শৰ্মা স্মাৰক বক্তৃতা" ৷ ড৹ ময়ুৰী শৰ্মাৰ বৰগীতেৰে আৰম্ভ হোৱা অনুষ্ঠানত শাখা সাহিত্য সভাৰ সম্পাদক নীৰেন চন্দ্ৰ বৈশ্যই সভাৰ উদ্দেশ্য ব্যাখ্যা কৰে ৷ অনুষ্ঠানত গুৱাহাটী বিশ্ববিদ্যালয়ৰ আদৰ্শ উচ্চ মাধ্যমিক বিদ্যালয়ৰ অৱসৰপ্ৰাপ্ত কৃতী শিক্ষক প্ৰয়াত ৰমেশ চন্দ্ৰ শৰ্মালৈ শ্ৰদ্ধাঞ্জলি জ্ঞাপন কৰে ধৰণীধৰ বিদ্যাপীঠ হাইস্কুলৰ অৱসৰপ্ৰাপ্ত অধ্যক্ষ জিটুমণি শৰ্মাই আৰু ড৹ সত্যজিত দাসে ৷ মাজ - জালুকাৰী শাখা সাহিত্য সভাৰ সভাপতি তাহেৰউদ্দিন আহমেদে সঞ্চালনাত অনুষ্ঠিত হয় এই স্মাৰক বক্তৃতা অনুষ্ঠানটিৰ (Ramesh Chandra Sharma Memorial Lecture Program) ৷
শ্ৰদ্ধাঞ্জলি অনুষ্ঠানৰ পাচতে স্মাৰক বক্তৃতা অনুষ্ঠান আৰম্ভ হয় ৷ বক্তৃতা অনুষ্ঠানটো উদ্বোধন কৰে কুমাৰ ভাস্কৰ বৰ্মা সংস্কৃত আৰু পুৰাতন অধ্যয়ন বিশ্ববিদ্যালয়ৰ প্ৰাক্তন উপাচাৰ্য ড৹ দীপক কুমাৰ শৰ্মাই ৷ অনুষ্ঠানত "শিক্ষা আৰু গৱেষণাত অসমৰ জাতীয় উৎসৱ বিহু" বিষয়ৰ ওপৰত বক্তৃতা প্ৰদান কৰে গুৱাহাটী বিশ্ববিদ্যালয়ৰ অধ্যাপক ড৹ দেবাশীষ শইকীয়া আৰু বিশিষ্ট প্ৰগতিশীল লেখক, সমালোচক মুকুট শৰ্মাই (Guwahati Press Club) ৷