গুৱাহাটী, ৪ ফেব্ৰুৱাৰী: ৰাজ্যসভাত খালী হ'বলগীয়া অসমৰ এখন আসনৰ বাবে ১ মাৰ্চত অনুষ্ঠিত হ'ব নিৰ্বাচন । দেশৰ নিৰ্বাচন আয়োগে বৃহস্পতিবাৰে এই সিদ্ধান্তৰ কথা ঘোষণা কৰিছে । ৰাজ্যসভাৰ পূৰ্বৰ সাংসদ বিশ্বজিৎ দৈমাৰীয়ে বিগত ২১ নৱেম্বৰত পদত্যাগ কৰিছিল । তেতিয়াৰে পৰা খালী হৈ আছে এই আসনখন ।
উল্লেখযোগ্য যে, বি পি এফ ত্যাগ কৰি বিজেপিত যোগ দিয়াৰ বাবেই দৈমাৰী ৰাজ্যসভাৰ সাংসদ পদৰ পৰা সাংবিধানিক বিধি অনুসৰি ইস্তাফা দিবলগীয়া হৈছিল । কিন্তু দৈমাৰীৰ কাৰ্যকাল আছিল ২০২৬ চনৰ ৯ এপ্ৰিললৈকে ।