চাকৰিৰ প্ৰলোভনৰে ধন সংগ্ৰহ কৰিছিল ৰাজীৱ পৰাশৰেঃ আৰক্ষী আয়ুক্ত

চাকৰিৰ প্ৰলোভনেৰে ধন সংগ্ৰহ কৰাৰ অভিযোগত শুকুৰবাৰে মহানগৰীৰ ছয় মাইলৰ অনিল প্লাজাৰ ফ্লেটৰ পৰা অসম আৰক্ষীৰ ক্ৰাইম ব্ৰান্সে আটক কৰিছিল ৰাজীৱ পৰাশৰক ৷

গুৱাহাটী, 17 অক্টোবৰ :অসম চৰকাৰৰ বিভিন্ন বিভাগত চাকৰি দিয়াৰ প্ৰলোভন দি বে আইনী ভাৱে ধন সংগ্ৰহ কৰিছিল শেহতীয়াকৈ অসম আৰক্ষীৰ ক্ৰাইম ব্ৰান্সে আটক কৰা বিজেপি নেতা ৰাজীৱ পৰাশৰে ৷ শনিবাৰে সংবাদমাধ্যমৰ আগত এই কথা সদৰি কৰিলে অসম আৰক্ষীৰ আয়ুক্ত মুন্না প্ৰসাদ গুপ্তাই ৷

শেহতীয়াকৈ ৰাজীৱ পৰাশৰে ৰেল বিভাগত চাকৰি দিয়াৰ নামত বৃহৎ পৰিমাণৰ ধনৰ লেনদেন কৰিছিল ৷ ৰাজ্যৰ বিভিন্ন স্থানৰ শিক্ষিত যুৱক যুৱতিৰ পৰা চাকৰিৰ নামত অবাধে ধন সংগ্ৰহ কৰিছিল ধৃত ৰাজীৱ পৰাশৰে ৷ চাকৰিৰ প্ৰলোভনেৰে ধন সংগ্ৰহ কৰাৰ অভিযোগত শুকুৰবাৰে মহানগৰীৰ ছয় মাইলৰ অনিল প্লাজাৰ ফ্লেটৰ পৰা অসম আৰক্ষীৰ ক্ৰাইম ব্ৰান্সে আটক কৰিছিল ৰাজীৱ পৰাশৰক ৷

উল্লেখ্য যে ধন সংগ্ৰহৰ সমগ্ৰ অভিযোগৰ ভিত্তিত অসম আৰক্ষীৰ ক্ৰাইম ব্ৰান্সে ৰাজীৱ পৰাশৰৰ বিৰুদ্ধে ভাৰতীয় দণ্ডবিধি আইন অনুসৰি ৪১৮/৪২০/১২০বি ধাৰাত ১৫/২০২০ নম্বৰৰ এটা গোচৰ ৰুজু কৰিছিল ৷ উক্ত গোচৰৰ ভিত্তিতই অসম আৰক্ষীৰ ক্ৰাইম ব্ৰান্সে ৰাজীৱ পৰাশৰক আটক কৰে৷ সম্প্ৰতি আৰু অধিক তথ্যৰ বাবে ৰাজীৱ পৰাশৰক জেৰা অব্যাহত ৰাখিছে অসম আৰক্ষীয়ে ৷

লগতে পঢ়ক: নিযুক্তি কেলেংকাৰী : গুৱাহাটীত গ্ৰেপ্তাৰ বিজেপি নেতা ৰাজীৱ পৰাশৰ