মহানগৰবাসীক সকাহ দিবলৈ ধৰাৰ বুকুলৈ নামি আহিল এজাক বৰষুণ

শনিবাৰৰ বৰষুণজাকে কিছু হ'লেও সকাহ প্ৰদান কৰিলে মহানগৰবাসীক ৷ কিয়নো দীৰ্ঘদিন ধৰি উৎকট গৰমে দহিছিল মহানগৰবাসীক ৷

গুৱাহাটী, 13 জুনঃ যোৱা কিছুদিন ধৰি উৎকট গৰমে দহিছিল মহানগৰবাসীক ৷ সকলোৱে অপেক্ষা কৰিছিল এজাক বৰষুণলৈ ৷ সকলোৰে অপেক্ষাৰ ওৰ পেলাই শনিবাৰে পুৱাৰ ভাগত এজাক বৰষুণে ছুই গ'ল মহানগৰীক ৷ যোৱা কেইবাদিনৰো পৰা ৰ'দৰ উত্তাপে দহিছিল মহানগৰবাসীক ৷ শনিবাৰৰ বৰষুণজাকৰ লগতে এজাক শীতল বতাহে যেন উৎকট গৰমৰ পৰা কিছু সকাহ প্ৰদান কৰিলে মহানগৰবাসীক ৷ বৰষুণৰ পানীয়ে ধুৱাই নিয়া বিৰিখৰ ডাল পাতে সেউজী ৰহণ সানিলে মহানগৰীৰ ধূলিয়ৰী প্ৰকৃতিক ৷ যেন প্ৰকৃতিও অপেক্ষাত আছিল বৰষুণ জাকৰ ৷

কিন্তু এফালে যদি মহানগৰবাসীয়ে বহু প্ৰতিক্ষীত বৰষুণজাকক আদৰণি জনাইছে, আনফালে আন এক চিন্তাইয়ো চিন্তিত কৰি তুলিলে তেওঁলোকক ৷ তেওঁলোকৰ চিন্তা কৃত্ৰিম বানক লৈ ৷ যদিও পুৱাৰ ভাগৰ বৰষুণজাকে ৰাইজৰ দেহ শাত পেলাই গ'ল,তাৰ সমান্তৰালভাৱে কৃত্ৰিম বানক লৈ বৰষুণজাকে শংকিও কৰিলে মহানগৰবাসীক ৷

লগতে পঢ়কঃমন্ত্ৰী ফণীভূষণ চৌধুৰীয়ে স্থাপন কৰিলে বজাৰ গৃহ