প্ৰয়াত মুখ্যমন্ত্ৰী তৰুণ গগৈক শেষ শ্ৰদ্ধা জনাবলৈ বুধবাৰে পুৱাই গুৱাহাটী পাবহি ৰাহুল গান্ধী

এই পৰ্যন্ত নিৰ্দ্ধাৰিত হোৱা সূচী অনুসৰি বুধবাৰে পুৱা ৯:৪০ বজাত দিল্লীৰ পৰা আহি বৰঝাৰ বিমান বন্দৰত ৰাহুল গান্ধী উপস্থিত হ’ব । বিমান বন্দৰৰ পৰা পোনে পোনে তেওঁ ৰাওনা হ’ব শংকৰদেৱ কলাক্ষেত্ৰলৈ, য’ত আজি সন্ধিয়াৰে পৰা ৰাইজে শেষ শ্ৰদ্ধাঞ্জলি জনাবলৈ ৰখা হৈছে তৰুণ গগৈৰ নশ্বৰ দেহ ।

গুৱাহাটী,24 নৱেম্বৰঃ প্ৰয়াত প্ৰাক্তন মুখ্যমন্ত্ৰী তৰুণ গগৈক শেষ শ্ৰদ্ধাঞ্জলি জনাবলৈ বুধবাৰে গুৱাহাটীত আহি উপস্থিত হ’ব কংগ্ৰেছ নেতা ৰাহুল গান্ধী ‌। এই পৰ্যন্ত নিৰ্দ্ধাৰিত হোৱা সূচী অনুসৰি বুধবাৰে পুৱা ৯:৪০ বজাত দিল্লীৰ পৰা আহি বৰঝাৰ বিমান বন্দৰত ৰাহুল গান্ধী উপস্থিত হ’ব । বিমান বন্দৰৰ পৰা পোনে পোনে তেওঁ ৰাওনা হ’ব শংকৰদেৱ কলাক্ষেত্ৰলৈ, য’ত আজি সন্ধিয়াৰে পৰা ৰাইজে শেষ শ্ৰদ্ধাঞ্জলি জনাবলৈ ৰখা হৈছে তৰুণ গগৈৰ নশ্বৰ দেহ ।

কলাক্ষেত্ৰত বৰ্ষীয়ান নেতাজনক অন্তিম শ্ৰদ্ধাঞ্জলি নিবেদি বুধবাৰে বিয়লিয়েই তেওঁ পুণৰ উভতি যাব দিল্লীলৈ । আনহাতে, বৃহস্পতিবাৰে অনুস্থিত হবলগীয়া প্ৰাক্তন মুখ্যমন্ত্ৰী গৰাকীৰ শেষকৃত্য অনুষ্ঠানত উপস্থিত থাকিব নিখিল ভাৰত কংগ্ৰেছ কমিটিৰ কেইবাগৰাকীও জ্যেষ্ঠ নেতা তথা প্ৰাক্তন মন্ত্ৰী ।

লগতে পঢ়কঃ সদৌ অসম পদ্মনাথ গোহাঞিবৰুৱা একাংকিকা নাট প্ৰতিযোগিতা স্থগিত