দুৰ্গোৎসৱ উদযাপন সমিতিৰ সৈতে মহানগৰ প্ৰশাসনৰ বৈঠক

আগন্তক শাৰদীয় দুৰ্গা পূজাৰ প্ৰাকমুহূৰ্তত মহানগৰীৰ সকলো পূজা মণ্ডপ সমিতিৰ সৈতে মহানগৰীৰ প্ৰশাসনৰ বৈঠক ।

গুৱাহাটী,20 ছেপ্টেম্বৰঃ মহানগৰীত আগন্তক শাৰদীয় দুৰ্গোৎসৱৰ কাৰ্যসূচী সুকলমে অনুষ্ঠিত কৰাৰ স্বাৰ্থত শুকুৰবাৰে কামৰূপ মহানগৰ প্ৰশাসনে সমূহ পূজা মণ্ডপ সমিতিৰ সৈতে বৈঠকত মিলিত হয় ৷ উক্ত বৈঠকত মহানগৰীৰ 492 খন পূজা মণ্ডপ সমিতিৰ প্ৰতিনিধিয়ে অংশগ্ৰহণ কৰে ৷ মহানগৰীৰ আৰক্ষী আয়ুক্ত দীপক কুমাৰে চহৰৰ প্ৰতিটো পূজা মণ্ডপত চিচিটিভি কেমেৰা স্থাপন কৰাটো বাঞ্ছনীয় বুলি মন্তব্য কৰে ৷ আৰক্ষী বিষয়াগৰাকীয়ে সংবাদ মাধ্যমক পূজাৰ বাবে নিৰাপত্তা ব্যৱস্থা অধিক কটকটীয়া কৰি তোলাৰ কথা অৱগত কৰে ৷ অধিক অপৰাধ সংঘটিত হ'ব পৰা স্থানসমূহ চিনাক্ত কৰি আৰক্ষীয়ে কঠোৰ নিৰাপত্তা বেষ্টনী গঢ়ি তোলা হ'ব বুলি উল্লেখ কৰে বিষয়াগৰাকীয়ে ৷