কামৰূপ মেট্ট,15ডিচেম্বৰ: গৃহ-ভূমি হেৰুৱাৰ শংকাত ভুগিছে এতিয়া চন্দ্ৰপুৰৰ খিলঞ্জীয়া ৰাইজ ৷ মংগলবাৰে খিলঞ্জীয়াৰ ভূমি উচ্ছেদৰ বিৰুদ্ধে গৰজি উঠিল চন্দ্ৰপুৰৰ ৰাইজ ৷ ভূমি উচ্ছেদ বন্ধৰ বাবে চন্দ্ৰপুৰ ৰাজহ চক্ৰ কাৰ্যালয়ত তীব্ৰ প্ৰতিবাদ সাব্যস্ত কৰে অঞ্চলবাসীয়ে ৷
উল্লেখ্য যে চলিত বৰ্ষৰ যোৱা ২১ নৱেম্বৰত কামৰূপ মহানগৰ জিলাৰ উপায়ুক্তই স্বাক্ষৰ কৰা এক পত্ৰত স্পষ্টকৈ উল্লেখ কৰা হৈছে যে ৰাজহুৱা স্বাৰ্থজনিত এক আবেদনৰ ওপৰত শুনানি গ্ৰহণ কৰিছিল ৷ এই শুনানীত গুৱাহাটী উচ্চ ন্যায়ালয়ে চৰকাৰী কাৰ্যালয়, অনুষ্ঠান, প্ৰতিষ্ঠানক অনুমোদন দিয়া আৰু সংৰক্ষিত কৰি ৰখা চৰকাৰী ভূমিত থকা বেদখল উচ্ছেদ কৰিবলৈ কঠোৰ ভাৱে কামৰূপ মহানগৰ জিলা প্ৰশাসনক নিৰ্দেশ প্ৰদান কৰিছিল । এই নিৰ্দেশ জাৰী কৰা ৩০ দিন অতিক্ৰম কৰাৰ পিছতেই উচ্ছেদ কৰা হ'ব আৰু ব্যক্তিগত ভাবে কোনো লোকক জাননী প্ৰেৰণ কৰা নহয় বুলি উল্লেখ কৰে কামৰূপ মহানগৰ জিলা প্ৰশাসনে । যাৰ বাবে এতিয়া চন্দ্ৰপুৰ অঞ্চলৰ ৰাইজ শংকিত হৈ পৰে আৰু আজি সাব্যস্ত কৰে প্ৰতিবাদ ৷ প্ৰতিবাদত অঞ্চলটোৰ বহু সংখ্যক লোকে অংশগ্ৰহণ কৰে ৷
অন্য এক খবৰৰ বাবে: তেজপুৰত যান্ত্ৰিক বিজুতি ঘটি দুৰ্ঘটনাত পতিত হ'ল এখন ৰে'ল