ডিব্ৰুগড়,29 ডিচেম্বৰঃমঙলবাৰে ডিব্ৰুগড়ত দেখা গ'ল অন্য এক পৰিবেশ । বিদ্যালয়ৰ শ্ৰেণীকোঠাত পাঠদান কৰাৰ পৰিৱৰ্তে অৱস্থান ধৰ্মঘটত দেখা গ'ল ৰাজ্যৰ চাহ বাগিচা প্ৰাথমিক বিদ্যাল়য় শিক্ষক সকলক । ডিব্ৰুগড় জিলা উপায়ুক্ত কাৰ্যালয়ৰ সন্মুখত অৱস্থান ধৰ্মঘটত বহি শিক্ষক সকলে প্ৰতিবাদী কাৰ্যসূচী হাতত লয় ।
উল্লেখযোগ্য যে, ৰাজ্য চৰকাৰখনে চাহ বাগিচাৰ প্ৰাথমিক বিদ্যালয় সমূহক কোনো গুৰুত্ব প্ৰদান নকৰাত মঙলবাৰে প্ৰতিবাদত বহি চৰকাৰৰ বিৰূদ্ধে ক্ষোভ উজাৰে শিক্ষক সকলে । ইপিনে ৰাজ্যৰখনৰ তিনিশৰো অধিক চাহ বাগিচাৰ প্ৰাথমিক বিদ্যালয়ৰ শিক্ষকে কেৱল দৈনিক মজুৰি হিচাপে লাভ কৰে দৰমহা ৷ তাৰোপৰি এনে বিদ্যাল়য়সমূহত নাই কোনো ধৰণৰ সা-সুবিধা ৷ সময় মতে লাভ নকৰে চৰকাৰৰ পৰা শিক্ষাৰ্থীৰ কিতাপ-বহী । যাৰ বাবে এতিয়া সমস্যাত ভূগি আন্দোলনত বহিছে এই সকল শিক্ষক ।
লগতে পঢ়কঃ গেৰুৱা হ'ল অজন্তা নেওগ, ৰাজদ্বীপ গােৱালা আৰু বনেন্দ্ৰ কুমাৰ মুছাহাৰী
