অগপৰ প্ৰচাৰ সম্পাদক দিৱস ফুকনৰ সংবাদমেল

অগপ দলৰ প্ৰচাৰ সম্পাদক দিৱস ফুকনে এক সংবাদমেলৰ জৰিয়তে তথ্য আৰু প্ৰচাৰ সম্পাদক পদৰ পৰা পদত্যাগ ঘোষণা কৰিছে । তেওঁৰ লগতে দলীয় কৰ্মী অভিজিত তালুকদাৰ আৰু অবিনাশ বড়োয়েও পদত্যাগ কৰে ।

গুৱাহাটী, ৫ মাৰ্চ: অগপ দলৰ প্ৰচাৰ সম্পাদক দিৱস ফুকনে চান্দমাৰী থানাৰ সমীপৰ এইচ ইনষ্টিটিউটত এক সংবাদমেল আয়োজন কৰে । নিৰ্বাচনৰ কুচকাৱাজ চলি থকাৰ মাজতে সংবাদমেলৰ জৰিয়তে কেন্দ্ৰীয় মুখপাত্ৰ দিৱস ফুকনে তথ্য আৰু প্ৰচাৰ সম্পাদক পদৰ পৰা পদত্যাগ ঘোষণা কৰিছে । কেন্দ্ৰীয় মুখপাত্ৰ গৰাকীৰ মতে, অগপ দলে আঞ্চলিকতাবাদক জলাঞ্জলী দিবলৈ আগবঢ়াৰ বাবে আৰু দলীয় কৰ্মীৰ কাৰ্যত অতিষ্ঠ হৈ পদত্যাগৰ শেষ সিদ্ধান্ত গ্ৰহন কৰিছে । বিজেপি দলৰ পৰা কেতিয়াবাই ওলাই আহিছে যদিও অগপ দলে এতিয়ালৈকে মন্ত্ৰীত্বৰ মোহ এৰিব পৰা নাই বুলি জনায় ফুকনে ।

অতিশীঘ্ৰে নেচনেল পিপলছ পাৰ্টিত যোগদানৰ ইংগিত দিয়া দিৱস ফুকনৰ লগতে দলীয় কৰ্মী অভিজিত তালুকদাৰ আৰু অবিনাশ বড়োয়েও পদত্যাগ কৰে ।