ৰঙিয়া, 29 আগষ্ট :পাঠশালাৰ পৰা কাম বিচাৰি ৰঙিয়ালৈ গৈ সন্ধানহীন হৈছে এগৰাকী মহিলা । সন্ধানহীন হোৱা মহিলাগৰাকী হৈছে বজালী জিলাৰ পাঠশালাৰ দিপ্তী দাস (২৭) । ক'ভিড সৃষ্ট পৰিৱেশত আৰ্থিক সংকটত ভুগি যোৱা বুধবাৰে ৰঙিয়ালৈ কাম বিচাৰি গৈছিল মহিলা গৰাকী । কিন্তু, যোৱা তিনিদিন ধৰি সন্ধানহীন হৈ আছে মহিলাগৰাকী ।
কাম বিচাৰি ৰঙিয়ালৈ গৈ ক’ত হেৰাল দিপ্তী ?
উপায়হীন হৈ ঘটনা সন্দৰ্ভত দুৰ্ভগীয়া পৰিয়ালটোৱে পাঠশালা আৰক্ষীৰ কাষ চাপিছে । পিছে, ৰঙিয়াত মহিলাগৰাকী নিৰুদ্দেশ হোৱাৰ বাবে এতিয়া পাঠশালা আৰক্ষীয়ে গ্ৰহণ কৰা নাই গোচৰটোৰ এজাহাৰ । অৱশেষত মহিলাগৰাকী সন্ধানহীন হোৱা সন্দৰ্ভত তেওঁৰ স্বামীয়ে ৰঙিয়া থানাত এখন এজাহাৰ দাখিল কৰে । ইফালে, নিজৰ একমাত্ৰ জীয়ৰী আজি তিনিদিনে সন্ধানহীন হৈ থকাত দুখত ভাগি পৰিছে দিপ্তী দাসৰ মাতৃ ।