গুৱাহাটী, ২৪ ফেব্ৰুৱাৰী: ২০২১ বৰ্ষৰ 'পৰাগ কুমাৰ দাস সাংবাদিকতা বঁটা' আগবঢ়োৱা হ'ল জ্যেষ্ঠ ফটো সাংবাদিক অনুপম নাথলৈ । প্ৰয়াত সাংবাদিক পৰাগ কুমাৰ দাসৰ ওপজা দিনৰ লগত সংগতি ৰাখি বিগত ১২ বছৰ ধৰি এই বঁটা প্ৰদান কৰি অহা হৈছে । বুধবাৰে গুৱাহাটী প্ৰেছ ক্লাবত আয়োজিত এক অনুষ্ঠানত অনুপম নাথক এই বঁটা প্ৰদান কৰা হয় । বিশিষ্ট সাহিত্যিক ড০ ধ্ৰুৱজ্যোতি বৰাই জ্যেষ্ঠ ফটো সাংবাদিকগৰাকীক বঁটাটি প্ৰদান কৰে ।
অনুপম নাথলৈ 'পৰাগ কুমাৰ দাস সাংবাদিকতা বঁটা'
জ্যেষ্ঠ ফটো সাংবাদিক অনুপম নাথলৈ আগবঢ়োৱা হৈছে 'পৰাগ কুমাৰ দাস সাংবাদিকতা বঁটা' । বুধবাৰে গুৱাহাটী প্ৰেছ ক্লাবত আয়োজিত এক অনুষ্ঠানত জ্যেষ্ঠ সাংবাদিকগৰাকীক এই বঁটা প্ৰদান কৰা হয় ।
জ্যেষ্ঠ ফটো সাংবাদিক অনুপম নাথলৈ 'পৰাগ কুমাৰ দাস সাংবাদিকতা বঁটা'
উক্ত বঁটা প্ৰদান অনুষ্ঠানত উপস্থিত থাকে সাংসদ অজিত কুমাৰ ভূঞা, গুৱাহাটী বিশ্ববিদ্যালয়ৰ ইতিহাস বিভাগৰ মুৰব্বী অধ্যাপক ডঃ ৰাজীৱ সন্দিকৈ, প্ৰয়াত পৰাগ কুমাৰ দাসৰ সহধৰ্মিনী ৰীতা দাস আৰু ভাতৃ পল্লৱ দাসৰ লগতে কেইবাগৰাকীও বিশিষ্ট ব্যক্তি।
লগতে পঢ়ক:শিৱসাগৰত ভোটাৰৰ মাজত সজাগতা সৃষ্টিৰ প্ৰয়াস প্ৰশাসনৰ