গুৱহাটীত অসম জাতীয় পৰিষদৰ বিশাল যোগদান কাৰ্যসূচী
গুৱাহাটী, 11 আগষ্ট:আছুৰ দুই শতাধিক নেতা সদস্য শুকুৰবাৰে অসম জাতীয় পৰিষদত যোগদান কৰে । গুৱাহাটীৰ মাছখোৱা সাংস্কৃতিক প্ৰকল্পত অনুষ্ঠিত এখন সভাত অসম জাতীয় পৰিষদৰ সভাপতি লুৰীণজ্যোতি গগৈৰ উপস্থিতিত সদৌ অসম ছাত্ৰ সন্থাৰ সদ্য পদত্যাগী উপদেষ্টা উদ্দীপজ্যোতি গগৈসহ আছুৰ দুই শতাধিক নেতা, সদস্যই অসম জাতীয় পৰিষদত যোগদান কৰে ।
লক্ষণীয় যে বিগত বিধানসভা নিৰ্বাচনৰ প্ৰাক মুহূৰ্তত সদৌ অসম ছাত্ৰ সন্থাই অসম জাতীয়তাবাদী যুৱ ছাত্ৰ পৰিষদৰ লগ লাগি জন্ম দিয়া অসম জাতীয় পৰিষদ দলটোৰ সৈতে শেহতীয়াকৈ ছাত্ৰ সন্থাৰ একাংশ শীৰ্ষ নেতাৰ দূৰত্ব বৃদ্ধি পোৱা বুলি চৰ্চা চলিছে ৷ এনে সময়তে ছাত্ৰ সন্থাৰ উপদেষ্টা উদ্দীপজ্যোতি গগৈৰ নেতৃত্বত সংগঠনটোৰ বৃহৎ দল এটাই জাতীয় পৰিষষদত যোগদান কৰাটো বিশেষ তাৎপৰ্যপূৰ্ণ হিচাপে বিবেচিত হৈছে ৷