বিশ্বত্ৰাস কৰ'ণাঃ হাত সাৰিবলৈ পৰামৰ্শ দিলে ডাঃ হিতেশ বৰুৱাই

"বৰ্তমান সময়ছোৱাত নিজেই সতৰ্ক হৈ থকাটো অত্যন্ত প্ৰয়োজন। কাৰো সংস্পৰ্শলৈ আহিব নালাগে। পৰিস্কাৰ-পৰিচন্নতাৰ ওপৰত সকলোৱে গুৰুত্ব দিয়াটো উচিত"।

গুৱাহাটী, 10 মাৰ্চঃ এফালে ৰঙৰ উৎসৱ ফাকুৱাৰ আনন্দ উছাহ আৰু আনফালে বিশ্বত্ৰাস কৰ'ণা ভাইৰাছৰ আতংক। কিন্তু ভয়-শংকাৰ মাজেৰে বিভিন্নজনে উদযাপন কৰিলে হোলী । এই উৎসৱৰ এই বতৰত ৰাইজে কেনেধৰণে সতৰ্কতা অৱলম্বন কৰিব লাগে, তাৰ বিষয়ে ইটিভি ভাৰতৰ জৰিয়তে জনাই জ্যেষ্ঠ চিকিৎসক তথা নেমকেয়াৰ হস্পিতালৰ পৰিচালন সঞ্চালক ডাঃ হিতেশ বৰুৱাই।

ডাঃ হিতেশ বৰুৱাই কয়, "বৰ্তমান সময়ছোৱাত নিজেই সতৰ্ক হৈ থকাটো অত্যন্ত প্ৰয়োজন। কাৰো সংস্পৰ্শলৈ আহিব নালাগে। পৰিস্কাৰ-পৰিচন্নতাৰ ওপৰত সকলোৱে গুৰুত্ব দিয়াটো উচিত"। তাৰোপৰি জ্বৰ, কাহ আদি ৰোগ হ'লে ততাতৈয়াকৈ চিকিৎসকৰ কাষ চাপিবলৈ আহ্বান জনাই ডাঃ বৰুৱাই।