কাপোৰ ধুবলৈ গৈ নিখোজ কিশোৰী

ব্ৰহ্মপুত্ৰত নিখোজ পাণ্ডু বজাৰৰ মঞ্জু দাস নামৰ এগৰাকী কিশোৰী । ঘটনাস্থলীত উপস্থিত হৈছে জালুকবাৰী আৰক্ষী, নদী আৰক্ষী, অগ্নিনিৰ্বাপক,এছ ডি আৰ এফ বাহিনী

গুৱাহাটী, 14 আগষ্টঃ মহানগৰীৰ পাণ্ডুত অঘটন । ব্ৰহ্মপুত্ৰত কাপোৰ ধুবলৈ গৈ নিখোজ এগৰাকী কিশোৰী । ব্ৰহ্মপুত্ৰত নিখোজ কিশোৰীগৰাকী পাণ্ডু বজাৰৰ মঞ্জু দাস বুলি জানিব পৰা গৈছে । ঘটনাস্থলীত উপস্থিত হৈছে জালুকবাৰী আৰক্ষী, নদী আৰক্ষী, অগ্নিনিৰ্বাপক,এছডিআৰএফ বাহিনী । এছডিআৰএফ বাহিনীয়ে ইতিমধ্যেই লুইতৰ বুকুত কিশোৰীৰ সন্ধানত অভিযান আৰম্ভ কৰিছে । কিন্তু ধাৰাষাৰ বৰষুণৰ বাবে ব্যাঘাত জন্মিছে অভিযান কাৰ্যসূচীত । বৰ্তমানলৈ কিশোৰীগৰাকীৰ কোনো সন্ধান লাভ কৰা নাই । ইফালে এই ঘটনাক কেন্দ্ৰ কৰি অঞ্চলটোত শোকৰ ছাঁ পৰিছে ।