মঙলবাৰে গুৱাহাটীত অব্যাহত থাকিব কেবৰ চলাচল

অল গুৱাহাটী কেব ড্ৰাইভাৰ ইউনিয়নৰ স্পষ্টীকৰণ মঙলবাৰে মহানগৰীত বন্ধ নহয় অলা-উবেৰৰ চলাচল ৷ একাংশ চালকে অসাংগঠনিক ভাৱে কেব বন্ধ ঘোষণা কৰিছে যদিও এই বন্ধৰ লগত অল গুৱাহাটী কেব ড্ৰাইভাৰ ইউনিয়ন কোনো পধ্যে জড়িত নহয় বুলিও স্পষ্ট কৰি দিয়ে স্পষ্টীকৰণৰ জৰিয়তে ৷

গুৱাহাটী, 14 ডিচেম্বৰ :গুৱাহাটী মহানগৰীত মঙলবাৰে বন্ধ নহয় অলা-উবেৰৰ চলাচল। অল গুৱাহাটী কেব ড্ৰাইভাৰ ইউনিয়নৰ তৰফৰ পৰা সোমবাৰে এক স্পষ্টীকৰণ যোগে সদৰি কৰে এই কথা ৷ লগতে কয় যে, সংগঠনটোৰ কেইজনমান কেব চালকে অসাংগঠনিক ভাৱে কেব বন্ধ ঘোষণা কৰিছে ৷ লক ডাউনৰ সময়চোৱাত অলা-উবেৰ কৰ্তৃপক্ষৰ বঞ্চনাৰ বলি হোৱাৰ অভিযোগ উত্থাপন কৰি এদিনৰ বাবে কেব চলাচল বন্ধ কৰাৰ কথা ঘোষণা কৰিছিল একাংশ চালকে ৷

কিন্তু অল গুৱাহাটী কেব ড্ৰাইভাৰ ইউনিয়নে এই বন্ধৰ তীব্ৰ বিৰোধিতা কৰি বন্ধক সমৰ্থন নকৰিবলৈ আহ্বান জনোৱাৰ লগতে, এই বন্ধৰ লগত অল গুৱাহাটী কেব ড্ৰাইভাৰ ইউনিয়ন কোনো পধ্যে জড়িত নহয় বুলিও স্পষ্ট কৰি দিয়ে সংস্থাটোৰ সভাপতি ইব্ৰাহিম আলীয়ে ৷

লগতে পঢ়ক:বিটিচিৰ নতুন পৰিষদৰ শপতগ্ৰহণৰ দিনটোত চৰকাৰী বন্ধ ঘোষণা