ৰে'লৱেৰ পদত নিযুক্তি দিয়া হোৱা নাই বহিঃৰাজ্যৰ প্ৰাৰ্থীক:ৰেল বিভাগ

উত্তৰ-পূৱ সীমান্ত ৰে'লৱেৰ জনসম্পৰ্কৰক্ষী বিষয়াগৰাকীয়ে জনোৱা অনুসৰি, ৰে'ল সুৰক্ষা বাহিনীৰ বাবে সৰ্বভাৰতীয় পৰ্যায়ত ১২০০ পদৰ নিযুক্তি প্ৰক্ৰিয়া চলি আছে। এই পদৰ বাবে ২০১৮চনতেই বিজ্ঞাপন প্ৰকাশ কৰিছিল ৰে'ল কৰ্তৃপক্ষই ৷ যি পদৰ বাচনি প্ৰক্ৰিয়া ইতিমধ্যেই সম্পন্ন হৈ গৈছে ৷ ইয়াৰ ভিতৰত উত্তৰ-পূৱ সীমান্ত ৰে'লৱেৰ অধীনত কেৱল এটা পদৰ বাবেহে দিয়া হৈছিল বিজ্ঞাপন।

গুৱাহাটী,24 ছেপ্তেম্বৰঃ উত্তৰ-পূৱ সীমান্ত ৰে'লৱেৰ নিযুক্তি বৰ্ডৰ দ্বাৰা পুনৰ বঞ্চনাৰ বলি অসমৰ থলুৱা যুৱক-যুৱতী। তদুপৰি ১৪৭টাকৈ পদত বহিঃৰাজ্যৰ প্ৰাৰ্থীক অগ্ৰাধিকাৰ দিয়া হৈছে ৷ বিভিন্ন সংবাদ মাধ্যমত এইদৰে বাতৰি সম্প্ৰচাৰ হোৱাৰ পিছত বৃহস্পতিবাৰে এই সন্দৰ্ভত প্ৰতিক্ৰিয়া প্ৰকাশ কৰে উত্তৰ-পূৱ সীমান্ত ৰে'লৱেৰ জনসম্পৰ্কৰক্ষী বিষয়া নৃপেন ভট্টাচাৰ্যই ৷

জনসম্পৰ্কৰক্ষী বিষয়াগৰাকীয়ে জনোৱা অনুসৰি, ৰে'ল সুৰক্ষা বাহিনীৰ বাবে সৰ্বভাৰতীয় পৰ্যায়ত ১২০০ পদৰ নিযুক্তি প্ৰক্ৰিয়া চলি আছে। এই পদৰ বাবে ২০১৮চনতেই বিজ্ঞাপন প্ৰকাশ কৰিছিল ৰে'ল কৰ্তৃপক্ষই ৷ যি পদৰ বাচনি প্ৰক্ৰিয়া ইতিমধ্যেই সম্পন্ন হৈ গৈছে ৷ ইয়াৰ ভিতৰত উত্তৰ-পূৱ সীমান্ত ৰে'লৱেৰ অধীনত কেৱল এটা পদৰ বাবেহে দিয়া হৈছিল বিজ্ঞাপন। বৰ্তমান সেই পদত অসমৰ বাহিৰৰ প্ৰাৰ্থীয়ে নিযুক্তি লাভ কৰিছে। কিন্তু ১৪৭ টাকৈ উত্তৰ-পূৱ সীমান্ত ৰে'লৱেৰ পদত বহিঃৰাজ্যৰ প্ৰাৰ্থীক নিযুক্তি দিয়া খবৰটো ভুৱা আখ্যা দিয়ে জনসম্পৰ্কৰক্ষী বিষয়াগৰাকীয়ে।

লগতে পঢ়কঃবিধ্বংসী ৰূপ ধাৰণ আই নদীৰ খহনীয়াৰ