গুৱাহাটী, 15 অক্টোবৰ : চাকৰি নিয়মীয়াকৰণৰ দাবীত গুৱাহাটী প্ৰেছক্লাৱত এন এইচ এমৰ অধীনত কৰ্মৰত এ এন এম কৰ্মীসকলৰ সংবাদমেল ৷ ২০০৬ চনৰে পৰা নিযুক্ত হৈ থকা এ এন এম নাৰ্চসকলৰ চাকৰিৰ বয়স পাৰ হৈ যোৱাৰ পাচতো তেওঁলোকৰ চাকৰি নিয়মীয়াকৰণ কৰাৰ পৰিৱৰ্তে নতুনকৈ এ এন এম নাৰ্চ নিযুক্তিৰ বাবে বিজ্ঞাপন প্ৰকাশ কৰাৰ বিষয়টোত তীব্ৰ অসন্তুষ্টি প্ৰকাশ কৰিছে ঠিকাভিত্তিক হিচাবে নিয়োজিত হৈ থকা এ এন এম কৰ্মী সকলে ৷
ঠিকাভিত্তিক হিচাবে নিয়োজিত এ এন এম কৰ্মীসকলৰ অভিযোগ “সমাজৰ পৰিয়াল সকলৰ আৰ্থিক আৰু সামাজিক সুৰক্ষাৰ বাবে এ এন এম নাৰ্চ সকলে দীৰ্ঘ বছৰে নিষ্ঠাৰে সৈতে কাম কৰি আহিছে ৷ তাৰ বিনিময়ত চৰকাৰৰ ফালৰ পৰা মাত্ৰ অতি ন্যূনতম মাননী প্ৰদান কৰি আহিছে ৷ কিন্তু ইমান বছৰে সেৱা আগবঢ়াই অহাৰ পাছতো ৰাজ্যৰ স্বাস্থ্য বিভাগে ঠিকাভিত্তিক হিচাপে কৰ্মৰত এ এন এম নাৰ্চসকলৰ চাকৰি সুনিশ্চিত কৰাৰ পৰিৱৰ্তে নতুনকৈ বিজ্ঞাপন দি পুনৰ এ এন এম নিযুক্তিৰ ব্যৱস্থা কৰিছে ৷ যাৰ পৰা চূড়ান্ত ভাৱে বঞ্চিত কৰা হৈছে বৰ্তমানে ঠিকাভিত্তিক হিচাবে নিয়োজিত কৰ্মীসকলক ৷