পুৱা 9 বজাৰ শীৰ্ষ দহটা খবৰ

পুৱা 9 বজাৰ শীৰ্ষ দহটা খবৰ

অখিল গগৈৰ মুক্তিৰ দাবীৰে নলবাৰীত ৰাইজ দলৰ 24 ঘন্টীয়া অনশন ৷ শতাধীক দলীয় কৰ্মীৰ অংশগ্ৰহণ ৷

অসম চৰকাৰৰ ৰাজহ আৰু দুৰ্যোগ ব্যৱস্থাপনা বিভাগ তথা ধেমাজি জিলা প্ৰশাসনৰ উদ্যোগত ধেমাজিত ভূমিহীন খিলঞ্জীয়া পৰিয়ালক ভূমি পট্টা আৰু আৱন্টন পত্ৰ বিতৰণ কৰা হয় ৷

শনিবাৰে গুৱাহাটীত এক অভিৱৰ্তনৰ জৰিয়তে গঠন হ'ল আমছুৰ নতুন কেন্দ্ৰীয় সমিতি ৷ পূৰ্বৰ ৰেজাউল কৰিম চৰকাৰ নেতৃত্বাধীন কেন্দ্ৰীয় সমিতি ভংগ কৰি ইকবাল হুছেইনক আমছু সভাপতি হিচাপে নিৰ্বাচিত কৰে সংগঠনটোৰ কৰ্মী সকলে ৷

ৰঙিয়াৰ বালিসত্ৰত উদযাপন নামনি অসমৰ অন্যতম ধৰ্মীয়, আধ্যাত্মিক আৰু সাংস্কৃতিক কাৰ্যসূচী আৰিয়া সবাহ মহোৎসৱ ৷ ৩৫১ বছৰ পুৰণি ধৰ্মীয় পৰম্পৰাৰে লক্ষাধিক ভক্তই ওৰে নিশা আৰিয়া প্ৰজ্বলন কৰি দেশৰ মংগলৰবাবে প্ৰাৰ্থনা কৰে এই সবাহত ৷

দিল্লী এইমছত চিকিৎসাৰ বাবে ভৰ্তি কৰোৱা হৈছে আৰ জে ডিৰ অধ্যক্ষ লালু প্ৰসাদ যাদৱক ৷ 22 ফেব্ৰুৱাৰী পৰ্যন্ত এইমছতে চিকিৎসা চলিব আৰ জে ডিৰ অধ্যক্ষ গৰাকীৰ ৷

শ্বিলঙত অনুষ্ঠিত উত্তৰ-পূৱ পৰিষদৰ বৈঠকত ত্ৰিপুৰাৰ মুখ্যমন্ত্ৰী বিপ্লব কুমাৰ দেৱে কেন্দ্ৰীয় গৃহমন্ত্ৰী অমিত শ্বাহক বাহ্যিক সাহাৰ্য প্ৰাপ্ত প্ৰকল্প সমূহ তৰান্বিত কৰাৰ বাবে উত্তৰ-পূৱ পৰিষদৰ আৰ্থিক পুঁজি সমূহত সুক্ষ্ম পৰিৱৰ্তনৰ বাবে দাবী জনায় ৷

বজালীৰ সন্তান হিমাংশু কলিতাই অসম শৰীৰ চৰ্চা আৰু ফিটনেচ এশ্বচিয়েশ্বনৰ সাধাৰণ সম্পাদক পদত জয়লাভ কৰিবলৈ সক্ষম হৈছে ।

শনিবাৰৰ পৰা নয়ডাত আৰম্ভ নেশ্যনেল ৰেষ্টলিঙ চেম্পিয়নশ্চিপ ৷ শনিবাৰে অনুষ্ঠিত হ'ল 57 কিলোগ্ৰাম, 61 কিলোগ্ৰাম, 74 কিলোগ্ৰাম, 92 কিলোগ্ৰাম আৰু 125 কিলোগ্ৰাম শাখাৰ প্ৰতিযোগিতা ৷ দেওবাৰে ক্ৰমে 65 কিলোগ্ৰাম, 70 কিলোগ্ৰাম, 86 কিলোগ্ৰাম আৰু 97 কিলোগ্ৰাম শাখাৰ বাবে প্ৰতিযোগিত অনুষ্ঠিত হ'ব ৷

শনিবাৰে পুৱা প্ৰায় ৯ বজাৰ পৰা দিল্লীত আৰম্ভ হৈছে পেৰেডৰ অন্তিম আখৰা । গণৰাজ্য় দিৱসৰ প্ৰাকক্ষণত এই আখৰাৰ বাবে দিল্লী ট্ৰেফিক আৰক্ষীৰ বিশেষ পৰামৰ্শ ৰাইজক ৷

চেইফ আলি খান অভিনীত 'তাণ্ডৱ' ৱেব চিৰিজৰ নিৰ্মাতা সকলৰ বিৰুদ্ধে ব্যৱস্থা গ্ৰহণৰ প্ৰাৰ্থনা জনাই কৰা আবেদনৰ শুনানি স্থগিত ৰাখিলে দিল্লীৰ এখন আদালতে ৷ 19 এপ্ৰিললৈ আবেদনৰ শুনানি স্থগিত ৷