গুৱাহাটী, 19 জুন : ৰাজ্যত গঠন হ'ল আন এটা ৰাজনৈতিক দল ৷ ৰাজ্যসভাৰ সাংসদ অজিত কুমাৰ ভূঞাৰ নেতৃত্বত"আঞ্চলিক গণ মৰ্চা" নামেৰে গঠন কৰা হয় নতুন আঞ্চলিক দলটো । 2021 চনৰ বিধানসভা নিৰ্বাচনত ৰাজ্যৰ প্ৰতিটো সমষ্টিতে প্ৰতিদ্বন্দিতা কৰিব দলটোৱে । শুকুৰবাৰে গুৱাহাটী প্ৰেছ ক্লাৱত সংবাদমেলত জৰিয়তে এই কথা সদৰি কৰাৰ লগতে দলটোৰ কাৰ্যপন্থাৰ উল্লেখ কৰে আঞ্চলিক গণ মৰ্চাৰ নেতৃত্বই ।
সংবাদমেলতে আঞ্চলিক গণ মৰ্চা দলটো আঞ্চলিক শক্তিৰ একত্ৰিত প্ৰচেষ্টাত গঠন হোৱা বুলি প্ৰকাশ কৰে দলটোৰ প্ৰধান আহ্বায়ক তথা সাংসদ অজিত কুমাৰ ভূঞাই ৷ তেওঁ আগন্তুক নিৰ্বাচনত বিজেপিক গাদীচ্যুত কৰায়েই দলটোৰ মূল উদেশ্য বুলি উল্লেখ কৰি নতুন দলটোৱে শিল্পী,সাহিত্যিক প্ৰমুখ্যে সকলো স্তৰৰ লোকৰ সৈতে আলোচনাত মিলিত হোৱাৰ কথাও প্ৰকাশ কৰে। অসমৰ ৰাইজৰ সুৰক্ষা আৰু প্ৰাকৃতিক সম্পদৰ প্ৰভুত্ব ৰক্ষাৰ হেতু সন্মিলিত গণ মৰ্চাই কাম কৰি যাব বুলি সংবাদমেলত সদৰী কৰে সাংসদগৰাকীয়ে। সংবাদমেলত অজিত ভূঞা,অদীপ ফুকন,মীৰা বৰঠাকুৰ,লাচিত বৰদলৈ উপস্থিত থাকে ৷
লগতে পঢ়ক: প্ৰধানমন্ত্ৰীয়ে আয়োজন কৰা সৰ্বদলীয় বৈঠকত উপস্থিত থাকিব প্ৰায় ২০ টা দল